मुख्यमंत्री फडणवीस नुसतीच स्वप्ने दाखवतात, अजित पवारांची टीका

नोटाबंदीमुळे अडचणींना सामोरे जावं लागत आहे ५० दिवसांत प्रश्न सुटला नाही, ५० दिवस झाले अजून नोटा मिळत नाहीत. आजही नागरिकांच्या हक्कांचा आणि कष्टाचा पैसा काढायला बंधन आहे. आता ४,००० काढा ४,५०० रुपयेच काढा अस किती दिवस ऐकायचं. वास्तविक  आता बेकारी वाढायला लागली आहे. कारखानदारी बंद होत आहे. कामगार देशोधडीला लागले  आहेत. अशा विचित्र परिस्थितीमध्ये  सर्व जण अडकलेले आहेत.

स्वप्न दाखवून समाजच भलं होत नसतं. आम्ही पंचवीस वर्ष या शहराच्या सर्वांगीण विकासासाठी काम करत आहोत कधी स्वप्न दाखवली नाहीत. कृती केली, वचनपूर्तीच राजकारण केलं म्हणून आज या शहराची बेस्ट सिटी म्हणून ओळख आहे. असा खोचक टोला अजित पवार यांनी मुख्यमंत्री देवेंद्र फडणवीस सरकारला लगावला ते दापोडी येथे भुयारी मार्गाच्या भूमीपूजन प्रसंगी बोलत होते.