आळंदीत अल्पवयीन मुलावर लैंगिक अत्याचार! संस्था चालक, शिक्षकावर गुन्हा दाखल

पुन्हा तसाच प्रकार घडल्याने अल्पवयीन मुलाने याबाबत दिघी पोलीस ठाण्यात तक्रार दिली आहे. दिघी पोलिसांनी नराधम संगीत शिक्षका विरोधात पोस्को अंतर्गत गुन्हा दाखल केला आहे. संस्था चालकाच्या विरोधात देखील गुन्हा दाखल करण्यात आला आहे. गेल्या काही वर्षांपासून तीर्थ क्षेत्र असलेल्या आळंदीत असे गंभीर प्रकार घडत आहेत. यावर नियंत्रण आणणं गरजेचं आहे.

खासगी शिक्षण संस्था बंद करण्याची मागणी

आळंदीतील खासगी शिक्षण संस्था बंद करण्याची ग्रामस्थांची मागणी आहे. जानेवारी महिन्यापासून अत्याचाराच हे तिसर प्रकरण आहे. महिला आयोगाच्या अध्यक्षा रूपाली चाकणकर यांनी सुद्धा या प्रकरणाला गांभीर्यानं घेतलं आहे. ४८ तासांमध्ये बेकायदा, अनधिकृत खासगी वारकरी संस्था बंद करण्याच्या सूचना त्यांनी दिल्या होत्या. जिल्हाधिकाऱ्यांनी वीस पथकं नेमून आळंदीत सर्वेक्षणही झालं. मात्र अद्याप किती संस्था बेकायदा, अनधिकृत आहेत. हे समोर आलंच नाही.