डॉ. नरेंद्र दाभोलकर हत्येप्रकरणी सर्व पुरावे सादर; ‘सीबीआय’चा न्यायालयात अर्ज

सरकार पक्षाकडून नोंदविण्यात आलेल्या साक्ष, तसेच पुरावे सादर करण्याचे कामकाज संपले आहे, असे सीबीआयचे वकील अ‍ॅड. प्रकाश सूर्यवंशी यांनी न्यायालयात सांगितले.  डॉ. दाभोलकर हत्या प्रकरणात पुढील टप्प्यात आरोपींचे जबाब नोंदविले जाणार आहेत. त्यानंतर बचाव पक्षाला साक्षीदार सादर करता येणार आहेत. खटल्याची सुनावणी १८ सप्टेंबर रोजी होणार आहे. दरम्यान, या प्रकरणात वीरेंद्रसिंह तावडे, सचिन अंदुरे, शरद कळसकर, अ‍ॅड. संजीव पुनाळेकर, विक्रम भावे यांना अटक करण्यात आली. त्यांच्याविरुद्ध न्यायालयात सीबीआयने मुख्य आरोपपत्रासह पुरवणी आरोपपत्र दाखल केले आहे.