अमित शहा यांच्या संवादामुळे काश्मिरी मुले आश्वस्त; काश्मिरमध्ये ‘अमन’ आणि विकासासाठी भरीव तरतूद

हेही वाचा- अमित शाहांकडून निवडणूक आयोगाच्या निर्णयावर मोठं भाष्य, म्हणाले “या निकालाने…”

सेनापती बापट रस्त्यावरील एका पंचतारांकित हाॅटेलमध्ये आयोजित करण्यात आलेल्या एका कार्यक्रमात शहा यांनी काश्मिरी मुलांशी संवाद साधला. मुख्यमंत्री एकनाथ शिंदे, उपमुख्यमंत्री देवेंद्र फडणवीस, भारतीय जनता पक्षाचे प्रदेशाध्यक्ष चंद्रशेखर बावनकुळे, पालकमंत्री चंद्रकांत पाटील, सरहद संस्थेचे संजय नहार आदी या प्रसंगी उपस्थित होते. काश्मिरमध्ये बेरोजगारी आहे. आम्हाला राेजगाराची संधी उपलब्ध करुन दिल्यास आम्ही काश्मिरला परत जातो. काश्मिरमध्ये शांतता प्रस्थापित व्हायला पाहिजे, असे प्रश्न काश्मिरी मुलांनी या वेळी उपस्थित केले.

हेही वाचा- ४४० व्होल्टचा करंट देण्याच्या विधानावर अजित पवारांची प्रतिक्रिया; म्हणाले, “त्या चंद्रशेखर बावनकुळेंना…”

काश्मिरी नागरिक शांतताप्रेमी आहेत. आम्ही काश्मिरी युवकांना रोजगाराच्या संधी उपलब्ध करुन देत आहोत. काश्मिरच्या विकासासाठी अर्थसंकल्पात भरीव तरतूद करण्यात आली आहे. लवकरच तुम्हाला बदल जाणवतील. काश्मिरमध्ये पुन्हा शांतता प्रस्थापित होईल, असे शहा यांनी सांगितले. दु:ख, यातना भोगूनही काश्मिरी मुलांच्या चेहऱ्यावरील आनंद पाहून भारावलो. काश्मिरमध्ये शांतता प्रस्थापित करण्यासाठी पोलीस, लष्कर प्रयत्न करत आहे. आम्ही काश्मिरी नागरिकांसोबत आहोत. सरहद सारख्या संस्था काश्मिरमध्ये काम करत आहेत, याचे कौतुक वाटते, असे त्यांनी नमूद केले.
यावेळी काश्मिरमधील युवती शमिमा अख्तर हिने पसायदान सादर केले. सरहद संस्थेकडून पुणे जिल्ह्यातील गुंजवणी भागात वसतीगृह बांधण्यात आले आहे. १ जूनपासून काश्मिरी मुले तेथे वास्तव्यास जातील, असे संजय नहार यांनी सांगितले.