हृदयद्रावक: शाळेत चाललेल्या माय- लेकाचा भीषण अपघात, आईसमोरच मुलाचा मृत्यू

पिंपरी- चिंचवडमध्ये शाळकरी मुलाचा अपघातात मृत्यू झाल्याची हृदयद्रावक घटना घडली आहे. अथर्व रवींद्र आळणे (वय-११) असे मृत्यू झालेल्या मुलाचे नाव आहे. अथर्वची आई त्याला स्कुटीवरून शाळेत घेऊन जात होती. त्यावेळेस चारचाकीचा धक्का लागला. या धक्क्यामुळे मुलगा थेट मालवाहू ट्रक खाली सापडला. त्यामुळे यात त्याचा जागीच मृत्यू झाला आहे. तर, आई किरकोळ जखमी झाली आहे. रक्ताने माखलेल्या मुलाला पाहून आई हर्षदा ह्यांनी हंबरडा फोडला. ह्या घटनेमुळं आळणे कुटुंबावर दुःखाचा डोंगर कोसळला आहे.