पुणे : दिवाळीत सासूरवाडीला आलेला आंध्रप्रदेशातील चोरटा अटकेत

दिवाळीत सासूरवाडीत मुक्कामी आलेल्या चोरट्याला शिवाजीनगर पोलिसांनी पकडले. त्याच्याकडून दुचाकी आणि मोबाइल संच जप्त करण्यात आला.
इरफान बबलू शिया (वय २२, मूळ रा. गुंटकल, आंध्रप्रदेश) असे अटक करण्यात आलेल्याचे नाव आहे. शिवाजीनगर परिसरात शिया याने एकाला लुटले होते. शिया याची सासूरवाडी वाकडेवाडी परिसरातील इराणी वस्तीत आहे. तो दिवाळीत सासूरवाडीत मुक्कामी येणार असल्याची माहिती शिवाजीनगर पोलीस ठाण्यातील हवालदार बशीर सय्यद यांना मिळाली.