“विधानसभेसाठी अनेकांकडून संपर्क, मात्र मी…”, पिंपरीचे आमदार अण्णा बनसोडेंचं ठरलं

बनसोडे यांनी काही वेळापूर्वी प्रसारमाध्यमांशी बातचीत केली. यावेळी त्यांना विचारण्यात आलं की तुमच्या वाटेतील काटा दूर झाला आहे असं बोललं जातंय, त्याबाबत काय सांगाल? यावर उत्तर देताना बनसोडे म्हणाले, “तसं म्हणता येणार नाही. कारण गेल्या दोन वर्षांपासून राज्यात राष्ट्रवादी काँग्रेस पार्टी अजित पवार गट, एकनाथ शिंदे यांची शिवसेना, भारतीय जनता पार्टी व रिपब्लिकन पार्टी ऑफ इंडिया या पक्षांचं सरकार आहे. प्रत्येक मतदारसंघात तिथल्या पक्षांचे स्थानिक कार्यकर्ते आणि पदाधिकारी उमेदवारी मिळावी यासाठी प्रयत्न करत असतात. आमच्या मतदारसंघात भाजपाचे अमित गोरखे इच्छुक होते. परंतु, आता भाजपाने त्यांना विधान परिषदेची उमेदवारी दिली आहे.”

आणखी वाचा

“महायुतीच्या बातम्या नीट द्या नाहीतर…”, हातात AK47 घेत अजित पवारांची मिश्किल टिप्पणी

Maharashtra Politics : नाराज एकनाथ शिंदे भाजपासाठी अडचणीचे?

Narendra Modi : आणीबाणी ते कलाकारांवर बंदी! नरेंद्र मोदींनी ‘हे’ पाच मुद्दे उपस्थित करत काँग्रेसला करुन दिली संविधानाची आठवण

Pratap Patil Chikhlikar : प्रताप पाटील चिखलीकरांचा अशोक चव्हाणांना मोठा इशारा; म्हणाले, “जर कोणात खुमखुमी असेल तर…”

Suresh Dhas : “आणखी बऱ्याच जणांवर मकोका लागायचाय”, सुरेश धसांचा मोठा इशारा; म्हणाले, “बीडमध्ये अजून…”

Rahul Gandhi : “तुम्ही डुबकी कधी घेणार?”, यमुना प्रदूषणाच्या मुद्द्यावर राहुल गांधींचे केजरीवालांना खुले आव्हान

Ravi Rana : “उद्धव ठाकरे अन् देवेंद्र फडणवीसांची छुपी रणनीती”, ‘या’ नेत्याचा मोठा दावा; म्हणाले, “लवकरच…”

थोरल्या पवारांचे आभार, अजितदादा मात्र नाराज;माथाडी कामगारांचे नेते नरेंद्र पाटील यांचे अनुभव कथन

अण्णा बनसोडे म्हणाले, “प्रत्येक पक्ष त्या त्या मतदारसंघात योग्य उमेदवाराला उमेदवारी देतात. त्यामुळे आता गोरखे यांना विधान परिषदेची उमेदवारी देण्यात आली आहे. मी या मतदारसंघातून विधानसभा निवडणूक लढवेन. त्यामुळे विधानसभा निवडणुकीत महायुतीचे पदाधिकारी, कार्यकर्ते प्रचार करतील, असा माझा ठाम विश्वास आहे. पिंपरी मतदारसंघात मी गेल्या दहा वर्षांपासून काम करत आहे आणि ही अजित पवार गटाची जागा आहे. विधानसभा निवडणुकीत ही जागा अजित पवार गटाला सुटेल यावर माझा ठाम विश्वास आहे.”

हे ही वाचा >> “सामना अजून संपलेला नाही, कोण कोणाची विकेट घेतं हे…”; ठाकरे गटाचा मुख्यमंत्री शिंदेंना इशारा

गेल्या अनेक दिवसांपासून अण्णा बनसोडे नेमक्या कोणत्या चिन्हावर निवडणूक लढवणार? याबाबत राजकीय वर्तुळात तर्कवितर्क लावले जात होते. तसेच सर्व पक्षांची दारं त्यांच्यासाठी खुली होती. यावर बनसोडे यांनी प्रतिक्रिया दिली आहे. ते म्हणाले, “मी अजित पवार यांचा कट्टर समर्थक आहे, त्यामुळे माझं ठरलं आहे. कुठल्या पक्षाकडून निवडणूक लढवायची हे मी ठरवलं आहे. पिंपरी मतदारसंघात काम करत असताना मला प्रत्येकाचे फोन येतात. परंतु, जो निर्णय घ्यायला हवा तो मी घेतला आहे. मी अजित पवारांच्या पक्षाकडूनच या मतदारसंघातून निवडणूक लढवेन.”