पुणे : मुंबई-बंगळुरू बाह्यवळण मार्गावर नवले पुलानजिक वडगाव उड्डाणपुलाजवळ भरधाव ट्रकने दहा वाहनांना धडक दिल्याची घटना घडली. सुदैवाने अपघातात कोणी जखमी झाले नाही. या प्रकरणी सिंहगड रस्ता पोलिसांनी ट्रकचालकाला अटक केली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

दिलीप हरिष सिंह (वय २७, रा. राजस्थान) असे अटक करण्यात आलेल्याचे नाव आहे. पोलिसांनी दिलेल्या माहितीनुसार, कोल्हापूरहून मुंबईकडे ट्रक निघाला होता. सकाळी साडेनऊच्या सुमारास मुंबई-बंगळुरू बाह्यवळण मार्गावर नवले पुलानजिक वडगाव पुलाजवळ उतारावर ट्रकचालकाचे नियंत्रण सुटले आणि एकापाठोपाठ दहा वाहनांना धडक दिली. अपघातात ग्रामीण पोलिसांची गाडी, एक टेम्पो, आठ मोटारींचे नुकसान झाले.

आणखी वाचा

हेही वाचा – उमेदवार राहिला बाजूला, स्वतःच्याच पक्षाचा केला प्रचार, पोटनिवडणुकीतील खमंग चर्चा, वाचा कुठे झालं हे….

ग्रामीण पोलिसांची गाडी पाषाण येथील मुख्यालयात निघाली होती. अपघातानंतर ट्रकचालक पसार होण्याच्या तयारीत होता. नागरिकांनी पकडून त्याला चोप देण्याचा प्रयत्न केला. ग्रामीण पोलिसांच्या गाडीतील पोलिसांनी ट्रकचालकाला ताब्यात घेतले.

सिंहगड रस्ता पोलिसांना अपघाताची माहिती देण्यात आली. अपघातानंतर वडगाव पूल परिसरात वाहतूक कोंडी झाली होती. अपघातग्रस्त वाहने पोलिसांनी क्रेनच्या सहायाने बाजूला काढली. सिंहगड रस्ता वाहतूक विभागाचे सहायक पोलीस निरीक्षक पांडुरंग वाघमारे, वारजे वाहतूक विभागाचे सहायक पोलीस निरीक्षक विशाल पवार, उपनिरीक्षक मुकेश कुरेवाड यांनी या भगातील वाहतूक सुरळीत केली. दरम्यान, ट्रकचालकाला ताब्यात घेण्यात आले आहे. ब्रेक निकामी झाल्याने अपघात घडल्याचे ट्रकचालकाने पोलिसांना सांगितले. अपघातात कोणी जखमी झाले नाही, अशी माहिती सिंहगड रस्ता पोलीस ठाण्याचे वरिष्ठ पोलीस निरीक्षक शैलेश संखे यांनी दिली.

हेही वाचा – दहावी आणि बारावीच्या विद्यार्थ्यांना सरावासाठी प्रश्नपेढी उपलब्ध

बाह्यवळण मार्गावर अपघातांचे सत्र कायम

मुुंबई-बंगळुरू बाह्यवळण मार्गावरील अपघात रोखण्यासाठी पोलिसांनी उपाययोजना केल्या. उपाययोजनांनंतर बाह्यवळण मार्गावर अपघातांचे सत्र कायम आहे. चार दिवसांपूर्वी नऱ्हे भागातील नवले पुलाजवळ ट्रकने चार वाहनांना धडक दिली होती. अपघातात दोघेजण जखमी झाले होते.