पोलीस अधिकाऱ्याला लाच देणारा एसीबीच्या जाळ्यात

एलसीबीने दिलेल्या माहितीनुसार, आरोपी हसनअली याच्यावर बंडगार्डन पोलीस ठाण्यात एक गुन्हा दाखल आहे. या गुन्ह्याचा तपास सहायक पोलीस निरीक्षक नंदकुमार कदम करत आहेत. हसनअली हा कदम यांना वारंवार गुन्ह्यात मदत करण्यासाठी म्हणून लाच देण्याचा प्रयत्न करत होता. कदम यांनी याबाबत एसीबीकडे तक्रार केली. यानंतर गुरूवारी बंडगार्डन पोलीस ठाण्याच्या परिसरात हसनअली याला पोलीस अधिकारी कदम यांना लाच देत असताना एसीबीने त्याला पकडले.