वकिलांवर झालेल्या हल्ल्याच्या निषेधार्थ उद्या (दि.११) पुणे जिल्ह्य़ातील वकिलांनी कामकाजात सहभागी होऊ नये, असे आवाहन पुणे बार असोसिएशनचे अध्यक्ष अॅड. राजेंद्र उमाप यांनी केले आहे.
जयपूर आणि चंडीगढ येथे वकिलांवर झालेल्या हल्ल्याच्या निषेधार्थ बार कौन्सिल ऑफ इंडियाने देशातील वकिलांनी उद्या कामकाजात सहभागी होऊ नये, असे आवाहन केले आहे. त्यानुसार महाराष्ट्र व गोवा बार कौन्सिलचे सदस्य हर्षद निंबाळकर आणि महाराष्ट्र व गोवा बार कौन्सिलच्या शिस्त पालन कमिटीचे सदस्य अॅड. बिपीन पाटोळे यांनीही राज्यातील वकील या हल्ल्याच्या निषेधार्थ कामकाज बंद ठेवणार असल्याचे सांगितले. सर्व वकिलांनी शांततापूर्ण आणि अत्यंत शिस्तबद्ध पद्धतीने वकिलांवर झालेल्या हल्ल्याचा निषेध करावा, असे आवाहन अॅड. उमाप यांनी केले आहे.
