डेक्कन येथील संभाजी महाराजांच्या पुतळ्याबाबत महापालिकेने घेतला मोठा निर्णय!

पुणे : डेक्कन येथील धर्मवीर छत्रपती श्री संभाजी महाराज यांच्या पुतळ्यावर महापालिकेच्या वतीने मेघडंबरी उभारण्यात येणार आहे. तसेच येथील स्मारक व गरवारे भुयारी मार्गाच्या परिसराचे सुशोभीकरण देखील केले जाणार आहे. यासाठी ४७ लाख २७ हजार रुपयांच्या निविदेला नुकतीच स्थायी समितीच्या बैठकीत मान्यता देण्यात आली.

आणखी वाचा

राजकिय वातावरण गढूळ करणाऱ्या शिंदे पिता-पुत्राचे राजकारण संपविण्याची वेळ आली आहे; मनसे आमदार राजू पाटील यांची संतप्त प्रतिक्रिया

१८ नोव्हेंबर पंचांग: संकष्टी चतुर्थी १२ पैकी कोणत्या…

नवी मुंबईच्या औद्योगिक पट्ट्यातीलही भूखंड खासगी विकासकाकडे!

ठाण्यात मुख्यमंत्र्यांच्या नावाने करोडोंची वसुली, आमदार जितेंद्र आव्हाड यांचा गंभीर आरोप

सुलभा गायकवाडांच्या प्रचारासाठी अखेर खासदार शिंदे मैदानात

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

शिवसेना भवनसमोरून सदा सरवणकर यांच्या प्रचारार्थ श्रीकांत शिंदे यांचा रोड शो; महायुतीच्या कार्यकर्त्यांची गर्दी

मुख्यमंत्री एकनाथ शिंदे हेच महायुतीचे कर्णधार – खासदार नरेश म्हस्के

डेक्कन परिसरात धर्मवीर छत्रपती संभाजी महाराज यांचा पुतळा आहे. या संभाजी महाराजांच्या पूर्णाकृती पुतळ्यावर मेघडंबरी उभारण्यात यावी, तसेच येथील परिसराचे सुशोभीकरण केले जावे, अशी मागणी महापालिकेकडे करण्यात आली होती. वेगवेगळ्या सामाजिक संघटनांकडून ही मागणी होत होती. महापालिका आयुक्त डॉ. राजेंद्र भोसले यांनी भवन विभागाचे मुख्य अभियंता युवराज देशमुख, कार्यकारी अभियंता वीरेंद्र केळकर व अन्य अधिकाऱ्यांसह प्रत्यक्ष जागेवर पाहाणी केली होती. यानंतर पालिकेच्या भवन विभागाने याबाबतचा प्रस्ताव तयार केला होता.

आणखी वाचा-अनैतिक संबंधात अडसर ठरणाऱ्या मुलाचा खून, आईसह प्रियकर अटकेत

याअंतर्गत छत्रपती संभाजी महाराज यांच्या पुतळ्याच्या भोवती बांधकामामध्ये चौथरा उभारण्यात येणार आहे. त्यावर पॉलिस्टर रेझिनचा वापर करून आकर्षक मेघडंबरी उभारण्यात येणार आहे. तसेच अभिवादनासाठी येणाऱ्या नागरिकांना उभे राहता यावे, यासाठीदेखील नव्याने चौथरा तयार करण्यात येणार आहे. या चौथऱ्यापर्यंत पोहोचण्यासाठी पायऱ्या उभारल्या जातील. तसेच दगडी बांधकामामध्ये सुशोभीकरण केले जाईल. यासाठी भवन विभागामार्फत निविदा प्रक्रिया राबविण्यात आली.

पूर्वगणन रकमेपेक्षा साडेपाच टक्के कमी दराने आलेल्या सर्वांत कमी दराच्या निविदेला स्थायी समितीच्या बैठकीत मान्यता देण्यात आली. पालिका आयुक्तांच्या अध्यक्षतेखाली ही बैठक झाली. या कामात मेघडंबरीसह, जिने व चौथऱ्याच्या कामाचा समावेश आहे. कार्यादेश निघाल्यानंतर तीन महिन्यांच्या कालावधीत हे काम पूर्ण केले जाईल, असे कार्यकारी अभियंता वीरेंद्र केळकर यांनी सांगितले.

आणखी वाचा-जन्म-मृत्यू दाखले विलंबाबाबत पुणे महापालिकेने दिली महत्वाची माहिती!

ही मेघडंबरी व्हावी, यासाठी विश्व हिंदू मराठा संघाचे भूषण वरपे यांनी पालिकेकडे पाठपुरावा केला होता. डेक्कन जिमखाना परिसरात असलेल्या धर्मवीर संभाजी महाराज यांच्या पुतळ्यापासून विविध उपक्रमांची सुरुवात होत असते. विविध राजकीय पक्षांचे नेते या भागात आल्यानंतर या ठिकाणी येऊन संभाजी महाराज यांच्या पुतळ्याला भेट देत पुष्पहार अर्पण करत असतात. संभाजी महाराजांच्या या पूर्णाकृती पुतळ्यापासूनच मराठा समाजाचे ‘एक मराठा – लाख मराठा ‘ हे आंदोलन सुरू झाले होते. अनेक मोर्चे, आंदोलनाची सुरुवात येथून होत असते. त्यामुळे या पुतळ्याच्या आजूबाजूच्या परिसरात सुशोभीकरण करावे, अशी मागणी गेल्या काही वर्षांपासून केली जात होती.