पुणे : विधानसभा निवडणुकीत राज्यात महायुतीने जोरदार मुसंडी मारत महाविकास आघाडीचा अक्षरशः धुव्वा उडविला आहे. विधानसभेच्या २८८ जागांपैकी ५० जागांवर विजय मिळविण्यात महाविकास आघाडीला यश आलेले नाही. पुणे शहरातील आठ विधानसभा मतदारसंघातील आकडेवारी पाहता महायुतीच्या उमेदवारांच्या विजयासाठी विविध घटक कारणीभूत ठरले आहेत. काही मतदारसंघांमध्ये ‘ हिंदू जिहाद ‘, ‘एक है तो सेफ है,’ ही घोषणा चालली असून राज्य सरकारच्या मुख्यमंत्री माझी लाडकी बहिण योजनेने अनेक मतदारसंघात बुस्टर देण्याचे काम केले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

शहरातील पुणे कॅन्टोन्मेंट आणि हडपसर विधानसभा मतदारसंघातील महायुतीच्या उमेदवारांच्या विजयासाठी वंचित बहुजन विकास आघाडी, मनसे, तसेच बंडखोर हा घटक कारणीभूत ठरला आहे. या मतदारसंघात या उमेदवारांना मते मिळाली नसती, तर ही निवडणूक अत्यंत अटीतटीची झाली असती. या दोन्ही मतदारसंघांतील विजयी उमेदवारांचे मताधिक्य पाहता या उमेदवारांना मिळालेली मते महत्त्वाची ठरली आहेत.

आणखी वाचा

हेही वाचा…‘औषधनिर्माणशास्त्र’ची रखडलेली प्रवेश प्रक्रिया सत्तास्थापनेनंतरच… काय आहे कारण?

पुणे कॅन्टोन्मेंट मतदारसंघातून महायुतीने भाजपचे विद्यमान आमदार सुनील कांबळे यांना उमेदवारी दिली होती. त्यांच्या विरोधात महाविकास आघाडीने काँग्रेसकडून माजी गृहराज्यमंत्री रमेश बागवे यांना उमेदवारी दिली. याच मतदारसंघातून वंचित बहुजन आघाडीने नीलेश आल्हाट यांना उमेदवारी दिली होती. या निवडणुकीत कांबळे यांचा १० हजार ३२० मतांनी विजय झाला. वंचितकडून निवडणूक लढविणाऱ्या आल्हाट यांना ८ हजार ८६९ मते मिळाली, तर नोटाला एक हजार ८१५ मते मिळाली. ही मते मिळाली नसती, तर येथे महायुती आणि महाविकास आघाडीच्या उमेदवाारांमध्ये अटीतटीची लढत पाहायला मिळाली असती.

हडपसर मतदारसंघातून राष्ट्रवादी (अजित पवार) पक्षाचे उमेदवार चेतन तुपे यांनी महाविकास आघाडीत सहभागी झालेल्या राष्ट्रवादी (शरद पवार) पक्षाचे उमेदवार प्रशांत जगताप यांचा सात हजार मतांनी पराभव केला. या मतदारसंघातून मनसेकडून निवडणूक लढविणारे साईनाथ बाबर यांना ३२ हजार १२१ मते मिळाली. तर महाविकास आघाडीत सहभागी असलेल्या शिवसेना (ठाकरे) पक्षाचे बंडखोर गंगाधर बधे यांना सहा हजार ५८४ मते मिळाली. नोटाला तीन हजार मते पडली. या मतदारसंघात बधे यांची उमेदवारी महाविकास आघाडीचे उमेदवार प्रशांत जगताप यांच्या विजयात अडथळा ठरली.

हेही वाचा…मराठी चित्रपटांना दिशा देणारा अनोखा प्रयोग… पुण्यात प्रायोगिक नाट्यगृहात चित्रपटाचे खेळ…

हडपसरची जागा शिवसेना (ठाकरे) पक्षाला सोडावी, अशी मागणी येथील शिवसेनेचे माजी आमदार महादेव बाबर यांनी केली होती. मात्र त्यावर निर्णय न झाल्याने बाबर नाराज झाले होते. अपक्ष उमेदवार म्हणून निवडणुकीच्या रिंगणात उतरलेले शिवसैनिक गंगाधर बधे यांना पाठिंबा देत बाबर यांनी त्यांच्या प्रचाराचे नेतृत्व केले. महाविकास आघाडीत झालेल्या बंडखोरीमुळे जगताप यांची मते कमी झाल्याचे या मतदारसंघातील निकालावरून दिसून आले.

शहरातील पुणे कॅन्टोन्मेंट आणि हडपसर विधानसभा मतदारसंघातील महायुतीच्या उमेदवारांच्या विजयासाठी वंचित बहुजन विकास आघाडी, मनसे, तसेच बंडखोर हा घटक कारणीभूत ठरला आहे. या मतदारसंघात या उमेदवारांना मते मिळाली नसती, तर ही निवडणूक अत्यंत अटीतटीची झाली असती. या दोन्ही मतदारसंघांतील विजयी उमेदवारांचे मताधिक्य पाहता या उमेदवारांना मिळालेली मते महत्त्वाची ठरली आहेत.

आणखी वाचा

हेही वाचा…‘औषधनिर्माणशास्त्र’ची रखडलेली प्रवेश प्रक्रिया सत्तास्थापनेनंतरच… काय आहे कारण?

पुणे कॅन्टोन्मेंट मतदारसंघातून महायुतीने भाजपचे विद्यमान आमदार सुनील कांबळे यांना उमेदवारी दिली होती. त्यांच्या विरोधात महाविकास आघाडीने काँग्रेसकडून माजी गृहराज्यमंत्री रमेश बागवे यांना उमेदवारी दिली. याच मतदारसंघातून वंचित बहुजन आघाडीने नीलेश आल्हाट यांना उमेदवारी दिली होती. या निवडणुकीत कांबळे यांचा १० हजार ३२० मतांनी विजय झाला. वंचितकडून निवडणूक लढविणाऱ्या आल्हाट यांना ८ हजार ८६९ मते मिळाली, तर नोटाला एक हजार ८१५ मते मिळाली. ही मते मिळाली नसती, तर येथे महायुती आणि महाविकास आघाडीच्या उमेदवाारांमध्ये अटीतटीची लढत पाहायला मिळाली असती.

हडपसर मतदारसंघातून राष्ट्रवादी (अजित पवार) पक्षाचे उमेदवार चेतन तुपे यांनी महाविकास आघाडीत सहभागी झालेल्या राष्ट्रवादी (शरद पवार) पक्षाचे उमेदवार प्रशांत जगताप यांचा सात हजार मतांनी पराभव केला. या मतदारसंघातून मनसेकडून निवडणूक लढविणारे साईनाथ बाबर यांना ३२ हजार १२१ मते मिळाली. तर महाविकास आघाडीत सहभागी असलेल्या शिवसेना (ठाकरे) पक्षाचे बंडखोर गंगाधर बधे यांना सहा हजार ५८४ मते मिळाली. नोटाला तीन हजार मते पडली. या मतदारसंघात बधे यांची उमेदवारी महाविकास आघाडीचे उमेदवार प्रशांत जगताप यांच्या विजयात अडथळा ठरली.

हेही वाचा…मराठी चित्रपटांना दिशा देणारा अनोखा प्रयोग… पुण्यात प्रायोगिक नाट्यगृहात चित्रपटाचे खेळ…

हडपसरची जागा शिवसेना (ठाकरे) पक्षाला सोडावी, अशी मागणी येथील शिवसेनेचे माजी आमदार महादेव बाबर यांनी केली होती. मात्र त्यावर निर्णय न झाल्याने बाबर नाराज झाले होते. अपक्ष उमेदवार म्हणून निवडणुकीच्या रिंगणात उतरलेले शिवसैनिक गंगाधर बधे यांना पाठिंबा देत बाबर यांनी त्यांच्या प्रचाराचे नेतृत्व केले. महाविकास आघाडीत झालेल्या बंडखोरीमुळे जगताप यांची मते कमी झाल्याचे या मतदारसंघातील निकालावरून दिसून आले.