खगोलशास्त्रविषयक शिबिराचे आयोजन

खोडद येथील ‘जीएमआरटी’ या महाकाय दुर्बिणीसह आयुकाच्या गिरावली येथील दुर्बिणीला भेट देण्याची संधी खगोलशास्त्रविषयक शिबिरातून उपलब्ध होणार आहे. ‘अ‍ॅस्ट्रॉन- एस एच के ट्रस्ट’ या संस्थेतर्फे ‘अ‍ॅस्ट्रोटेन्मेंट’ या निवासी शिबिराचे आयोजन करण्यात आले आहे. ६ व ७ मे रोजी हे शिबिर होणार असून ते सशुल्क आहे.
संस्थेच्या संस्थापक श्वेता कुलकर्णी यांनी प्रसिद्धिपत्रकाद्वारे ही माहिती दिली. नक्षत्रांची माहिती घेणे तसेच दुर्बिणीतून गुरू, शनि व मंगळ ग्रह, तारकापुंज व द्वैती तारे यात पाहता येतील. एरिक डेब्लॅकमिअर या अमेरिकन अंतराळवीराशी संवाद साधण्याबरोबरच विपुला अभ्यंकर यांची ‘डे टाइम अ‍ॅस्ट्रोनॉमी’ ही कार्यशाळाही शिबिरात होईल, असे कुलकर्णी यांनी म्हटले आहे. अधिक माहितीसाठी संपर्क- ८८०६१०७५१०