पुणे : ऑम्लेट व्यवस्थित बनविले नाही… ; पोलीस हवालदाराकडून पत्नीच्या खुनाचा प्रयत्न

ऑम्लेट व्यवस्थित बनविले नाही, या कारणावरून पोलीस हवालदाराने पत्नीचा गळा दाबून खून करण्याचा प्रयत्न केल्याची घटना उघडकीस आली. मध्यस्थी करणाऱ्या मुलाला हवालदाराने लाथाबुक्क्यांनी बेदम मारहाण केली. या प्रकरणी भारती विद्यापीठ पोलिसांनी पोलीस हवालदारास अटक केली.या प्रकरणी पोलीस हवालदार मनीष मदनसिंग गौड (वय ५०, रा. दत्तविहार सोसायटी, आंबेगाव बुद्रुक) यांना अटक करण्यात आली आहे. गौड पोलीस मुख्यालयात नियुक्तीस आहेत. ते आंबेगावमधील दत्तविहार सोसायटीत राहायला आहेत. दोन दिवसांपूर्वी गौड यांच्या पत्नीने ऑम्लेट केले.