पुणे : बारामती लोकसभा मतदार संघातून सकाळी कमी प्रमाणात मतदान झाले असताना दुपारी १.३० वाजेपर्यंत २७.५५ टक्के मतदान झाले आहे. विशेषतः भोर विधानसभा मतदार संघात सर्वाधिक ३३.४१ टक्के, तर त्यापाठोपाठ बारामती विधानसभा मतदासंघात ३२.११ टक्के मतदान झाले आहे.
बारामती लोकसभा मतदारसंघासाठी ७ मे रोजी सकाळी साडेसात वाजेपासून मतदानाला सुरुवात झाली. उन्हाच्या झळांमुळे मतदान कमी होण्याची शक्यता वर्तविण्यात येत होती, मात्र मतदारांचा उन्हाची तीव्रता असताना प्रतिसाद पहावयास मिळाला आहे. निवडणूक विभागाकडून करण्यात मतदान केंद्रांवर सावलीसाठी टाकण्यात आलेले मंडप, वैद्यकीय सुविधा आणि ओआरएस कीट आणि सुविधा देण्यात आल्याने मतदारांचा देखील चांगला प्रतिसाद मिळत आहे.सकाळी ११ वाजेपर्यंत १४.६४ टक्के मतदान झाले असताना दुपारी दीड वाजेपर्यंत म्हणजे दीड तासात २७.५५ टक्क्यांपर्यंत मतदान झाले आहे.
आणखी वाचा-मतदानासाठी लंडनहून थेट बारामतीला
सहा विधानसभा मतदार संघ निहाय मतदान
| मतदारसंघ | ११ पर्यंत | दीड पर्यंत |
| दौंड | १२ | २६ |
| इंदापूर | १४.१८ | २५.१ |
| बारामती | १८.६३ | ३२.११ |
| पुरंदर | १४.८ | २४.५ |
| भोर | १३.८ | ३३.४१ |
| खडकवासला | १४ | ५.१ |
