पुणे: भोजपुरी फिल्ममधील अभिनेत्रीला जाळ्यात ओढून सेक्स रॅकेट; दलालास केली पोलिसांनी अटक

पंचतारांकित हॉटेलमध्ये संबंधित तरुणींना बोलून ग्राहक पाठवून दलाल वेश्याव्यवसाय म्हणजे सेक्स रॅकेट चालवायचा. याबाबत पिंपरी- चिंचवडच्या मानवी वाहतूक प्रतिबंधक विभागाला याची माहिती मिळाली. संबंधित पंचतारांकित हॉटेलमध्ये बनावट ग्राहक पाठवून सेक्स रॅकेटची खात्री झाल्यानंतर पोलिसांनी छापा टाकून त्या ठिकाणाहून दोन तरुणींची सुटका केली असून दलालास पोलिसांनी अटक केली आहे. यापैकी एक भोजपुरी फिल्म मधील अभिनेत्री असल्याचे समोर आलं असून दुसरी तरुणी मॉडलिंग करत असल्याचं पोलीस तपासात उघड झालं आहे. या घटनेमुळे पिंपरी- चिंचवडमध्ये एकच खळबळ उडाली आहे. पुन्हा एकदा चित्रपट क्षेत्र आणि सेक्स रॅकेट असं नातं उघड झालं आहे.