आंबेगाव तालुक्यातील कळंब (धरनमळा ) येथील मारुती कहडने यांच्या घरा जवळ लावलेल्या पिंजऱ्यात सलग चौथ्या दिवशी बिबट्याचा चार ते पाच वर्ष वयाची मादी पिंजऱ्यात जेरबंद झाली आहे, कहडने कुटुंब गेले अनेक दिवस बिबट्याचा दहशतीखाली होते,मादी बिबट्या पकडल्यामुळे या परिसरातील ग्रामस्थांनी समाधान व्यक्त केले आहे.बिबट्या मादीला पकडल्यानंतर लहान मुलांपासून ते वयोवृद्ध व्यक्तिपर्यंत बिबट्याला पाहण्यासाठी गर्दी की होती.
पकडल्यानंतर सदर मादी बिबटया माणिकडोह येथील बिबट्या निवारण केंद्रात नेण्यात आल्याची माहिती वनपरिमंडल अधिकारी सोमनाथ कुंटे यांनी दिली आहे.गेल्या काही दिवसांपासून आंबेगाव तालुक्यातील कळंब येथे बिबट्याने उच्छाद मांडला होता.त्यामुळे येथील नागरिक अत्यंत भीतीच्या वातावरणात वावरत होते.गेल्या चार दिवसात दोन बछडे आणि रात्री चार ते पाच वर्षीय मादी बिबट्याला जेरबंद करण्यात यश आले आहे.हा सर्व थरार नागरिकांनी डोळ्यांनी पाहिला,मादी बिबट्याला पाहण्यासाठी नागरिकांनी गर्दी केली होती.
दरम्यान,आंबेगावं पंचायत समितीचे सभापती उषा कानडे यांनी पंधरा वर्ष्यापूर्वी असणारे अवसरी वन उद्यानातील बिबट निवारा केंद्र पुन्हा चालू करण्यात अशी मागणी केली आहे.आंबेगाव तालुक्यात घोडनदी काठी असणाऱ्या बहुतांश गावात बिबट्याचा वावर असल्याने ग्रामस्थांना जुन्नर येथील निवारा केंद्राकडे पिंजरा मागणी करावी लागते अनेक वेळा मागणी करून देखील पिंजरा उपलब्ध होत नाही अस त्या म्हणाल्या.
