पुणे : विद्यार्थी वाहतूक करणाऱ्या बसच्या धडकेने दुचाकीस्वाराचा मृत्यू ; एनआयबीएम रस्त्यावर अपघात

बुलढाणा : पोलिसांची मोठी कारवाई ; ३५ लाखांचा गुटखा जप्त

शौकिन रियाज शेख (वय २६, रा. रामटेकडी, हडपसर) असे मृत्युमुखी पडलेल्या दुचाकीस्वाराचे नाव आहे. अपघातात दुचाकीवरील दोन सहप्रवासी किरकोळ जखमी झाले आहेत. या प्रकरणी विद्यार्थी वाहतूक करणाऱ्या बसचा चालक पांडुरंग अप्पा बडदे (वय ३७, रा. कोडीत, ता. पुरंदर, जि. पुणे) याला अटक करण्यात आली आहे. दुचाकीस्वार शौकिन शेख आणि त्याचे दोन मित्र एनआयबीएम रस्त्याने जात होते. त्या वेळी दोराबजी माॅलसमोर विद्यार्थी वाहतूक करणाऱ्या बसने दुचाकीला धडक दिली. अपघातात दुचाकीस्वार शौकिनच्या डोक्याला गंभीर दुखापत झाली. दुचाकीवरील दोन मित्रांना किरकोळ दुखापत झाली.

गंभीर जखमी झालेल्या शौकिनचा उपचारादरम्यान मृत्यू झाला. अपघातानंतर पोलिसांनी बसचालक बडदेला ताब्यात घेतले. फाैजदार डोईफोडे तपास करत आहेत.