राष्ट्रवादीपेक्षा शिवसेना कार्यकर्त्यांना भाजपात आणा, गिरीश बापटांचा सल्ला

राष्ट्रवादीमधील कार्यकर्ते आणू नका, शिवसेनेतील कार्यकर्ते येऊद्यात ते आपले मित्र पक्ष आहेत. राष्ट्रवादीमधील एक सडका आंबा सगळे आंबे सडवतो. त्यामुळे राष्ट्रवादीमधील सडके आंबे भाजपमध्ये आणून आपले आंबे सडवू नका, अशी टीका बापट यांनी केली. हल्लाबोलसारख्या कार्यक्रमांनी महाराष्ट्रातील जनता फसणार नाही. जनतेला प्रत्यक्ष काम कोण करतं हे माहीत आहे. त्यामुळे येणाऱ्या भविष्यात भाजपाच्या नेतृत्वात काम करेल ही परमेश्वर चरणी प्रार्थना करतो, असं बापट म्हणाले. भाजपा पक्ष नसून एक कुटुंब आहे. याचा अनुभव शिवसेनेतून भाजपात प्रवेश केलेल्या कार्यकर्त्यांना येईलच. तुम्ही आता या कुटुंबात आला आहात, तुमचं दुःख ते आमचं असेल, इतकं संवेदनशील राहू असं बापट म्हणाले. मावळ मधील मातीने मला मोठं केलं आहे, याची जाणीव असल्याचे ते म्हणाले.