पिंपरी चिंचवडमध्ये ३२ जागांवर युतीचे घोडे अडले

पिंपरी चिंचवड महापालिका निवडणुकीच्या युतीसाठी भाजपच्या नेत्यांची शहराध्यक्ष लक्ष्मण जगताप यांच्या निवासस्थानी बैठक पार पडली. या बैठकीत शिवसेनेने दिलेल्या प्रस्ताव भाजपकडून अमान्य करण्यात आला. त्यामुळे आता पुण्याचे पालकमंत्री गिरीश बापट उद्या (सोमवारी) बैठक घेणार आहेत. भाजप शिवसेनेकडून जागा वाढवून मागणार आहे आणि उद्याच्या बैठकीनंतर शिवसेनेसोबत पुन्हा एकदा चर्चा करणार आहे. आमदार लक्ष्मण जगताप यांच्या निवासस्थानी झालेल्या या बैठकीला पालकमंत्री गिरीश बापट, खासदार अमर साबळे, सचिन पटवर्धन उपस्थित होते.