…म्हणून भाजपाने अजित पवारांच्या हस्ते भूमिपूजन झालेल्या ‘त्या’ जागेवर शिंपडले गोमूत्र, पंचामृत

गणेश भेगडे म्हणाले, “उपमुख्यमंत्री अजित पवार यांच्या हस्ते तळेगाव दाभाडे येथील नगर परिषदेच्या इमारतीचं भूमिपूजन करण्यात आलं. ९ ऑगस्ट २०११ ला मावळमधील नागरिकांनी पवना बंद जल वाहिनीचे आंदोलन केले होते. ते संपूर्ण मावळ तालुका, तळेगावात झाले होते. या आंदोलनामध्ये पोलिसांना बेछूट गोळीबाराचे आदेश कोणी दिले हे सगळ्यांना ठाऊक आहे.”

हेही वाचा : “खोटं सांगत नाही, कधी कधी अती व्यायाम वर घेऊन जातो, त्यामुळे…”; अजित पवारांचा तरुणांना सल्ला

“म्हणून बेछूट गोळीबाराचे आदेश देणाऱ्या माणसाच्या हस्ते नगरपरिषदेच्या इमारतीचे भूमिपूजन करणार असाल, शासकीय कार्यक्रमाचा राजकीय कार्यक्रम करणार असाल तर याचा भारतीय जनता पक्षाच्या वतीने निषेध करतो. ज्या अपवित्र हातांनी भूमिपूजन झालं आहे, भूमी अपवित्र झाली ती जागा पवित्र करण्यासाठी गोमूत्र आणि पंचामृत शिपडण्यात आलं,” असं गणेश भेगडे यांनी सांगितलं.