पुणे: सिंहगड रस्ता पोलीस ठाण्यातील लाचखोर पोलीस उपनिरीक्षक गजाआड

पुणे: चोरलेली मोटार परत मिळवून देण्यासाठी एकाकडून २० हजार रुपयांची लाच घेणाऱ्या सिंहगड रस्ता पोलीस ठाण्यातील उपनिरीक्षकाला लाचलुचपत प्रतिबंधक विभागाने (एसीबी) पकडले.

आणखी वाचा

Parbhani : परभणीत रात्री पोलिसांकडून कोंबिंग ऑपरेशन? पोलीस म्हणाले, “परिस्थिती नियंत्रणात आणताना…”

Madhuri Dixit : डर चित्रपट माधुरी दीक्षितने का…

ठाणे पोलिसांनी नोंदविला माजी पोलीस महासंचालक संजय पांडे यांचा जबाब; कथित गुन्ह्यात अडकविण्याची धमकी देऊन खंडणी वसूली प्रकरण

मुंबईतून अमलीपदार्थ आणि शस्त्रांचा साठा जप्त; साडेतीन कोटींच्या मुद्देमालासह पवईतून एकाला अटक

लोकमानस : अदानी देशापेक्षा मोठे आहेत का?

पीएनबी गैरव्यवहार प्रकरणः मेहूल चोक्सीविरोधात ईडीची मोठी कारवाई, १२५ कोटींच्या मालमत्ता फसवणूक झालेल्या बँकांना सुपूर्त करण्याच्या प्रक्रियेला सुरूवात

महापालिका आयुक्तांचा आदेश आणि पहिल्याच दिवशी झाले इतके काम ! महापालिकेची सर्वंकष स्वच्छता मोहीम, १६ टन राडारोडा, २४ टन कचराही उचलला

पिंपरी- चिंचवड: अनधिकृत भंगार गोदामात बांगलादेशी घुसखोर आणि रोहिंगे; आमदार महेश लांडगे

शशिकांत नारायण पवार असे लाचखोर पोलीस उपनिरीक्षकाचे नाव आहे. उपनिरीक्षक पवार सिंहगड रस्ता पोलीस ठाण्यातील अभिरुची चौकीत नियुक्तीस आहेत. तक्रारदाराच्या मोटारीवरील चालक मोटार घेऊन त्याच्या गावी पसार झाला होता. याबाबत तक्रारदाराने सिंहगड रस्ता पोलीस ठाण्यात तक्रार दिली होती. या गुन्ह्याचा तपास करुन मोटार परत मिळवून देतो, असे सांगून अभिरुची पोलीस चौकीतील उपनिरीक्षक पवार यांनी तक्रारदाराकडे ५० हजार रुपयांची लाच मागितली.

आणखी वाचा- पुणे: लूटमार प्रकरणात पाच वर्षे गुंगारा देणाऱ्या चोरट्याला पोलिसांनी पकडले

तक्रारदाराने तडजोडीत २० हजार रुपयांची लाच देण्याचे मान्य करुन लाचलुचपत प्रतिबंधक विभागाकडे तक्रार नोंदविली. त्यानंतर अभिरुची पोलीस चौकीच्या आवारात सापळा लावून तक्रारदाराकडून २० हजारांची लाच घेणारे उपनिरीक्षक शशिकांत पवार यांना अटक करण्यात आली. पोलीस अधीक्षक अमोल तांबे, अतिरिक्त अधीक्षक सूरज गुरव यांच्या मार्गदर्शनाखाली उपअधीक्षक श्रीहरी पाटील, उपअधीक्षक विजयमाला पवार यांनी ही कारवाई केली.