घरफोडी करणाऱ्या चोरट्याला पकडले; चार गुन्हे उघड

हेही वाचा >>> प्रवासी तरुणीशी अश्लील कृत्य करणारा रिक्षाचालक गजाआड

फरार आरोपी, तसेच बेकायदा शस्त्र बाळगणाऱ्यांविरुद्ध कारवाई करण्यात येत आहे. गुन्हे शाखेचे दरोडा आणि वाहनचोरी विरोधी पथक गस्त घालत होते. त्यावेळी घरफोडीच्या गुन्ह्यात पसार असलेला चोरटा शेख कासेवाडी भागात थांबल्याची माहिती सहायक पोलीस निरीक्षक प्रवीण काळुखे, रवींद्र लाेखंडे यांना मिळाली. त्यानंतर पोलिसांच्या पथकाने सापळा लावून त्याला पकडले. त्याने घरफोडीचे चार गुन्हे केल्याचे तपासात उघडकीस आले आहे. पोलीस उपायुक्त निखिल पिंगळे, सहायक आयुक्त गणेश इंगळे यांच्या मार्गदर्शनाखाली पोलीस निरीक्षक नंदकुमार बिडवई, सहायक निरीक्षक प्रवीण काळुखे, उपनिरीक्षक शाहीद शेख, बाळू गायकवाड, प्रदीप राठोड, धनंजय ताजणे, इरफान पठाण, साईकुमार कारके यांनी ही कारवाई केली.