पुण्यात घरफोड्यांचे सत्र कायम; बाणेरमधील बंद सदनिका फोडून १८ लाखांचा ऐवज चोरीस

पिंपरी : ज्येष्ठ नागरिकाकडे ५० हजारांची लाच मागितली

पोलिसांनी दिलेल्या माहितीनुसार, तक्रारदार हे बाणेर रोडवरील एल्जीयन सोसायटीत राहतात. ते कुटुंबासह शनिवारी घराला कुलूप लावून गेले होते. यादरम्यान, चोरट्यांनी घराचा दरावाजा तोडून आत प्रवेश केला. लाकडी कपाटातील तब्बल १७ लाख ९२ हजार रुपयांचा ऐवज चोरून नेला. तक्रारदार मंगळवारी परत आल्यानंतर त्यांना चोरी झाल्याचे लक्षात आले. त्यांनी पोलिसांकडे तक्रार दिली. त्यानतंर पोलिसांनी घटनास्थळाची पाहणी केली. सीसीटीव्हीच्या माध्यमातून चोरट्यांचा माग काढला जात आहे. परंतु, त्यांचा अद्याप थांगपत्ता लागलेला नाही.

रास्ता पेठेतील मेडिकलचे दुकान फोडले –

रास्ता पेठेतील बंद मेडिकलचे दुकान फोडून चोरट्यांनी तीन मोबाईल आणि रोकड चोरून नेली. याप्रकरणीअजित भोसले (वय ४४) यांनी समर्थ पोलीस ठाण्यात तक्रार दिली आहे. तक्रारदारांचे मेडिकलचे दुकान आहे. मध्यरात्री चोरट्यांनी बंद मेडिकलच्या शटरचे कुलूप तोडून आत प्रवेश केला.