अचानक घेतलेलं वळण दोघांच्या जीवावर बेतलं; पुणे-सोलापूर मार्गावर भीषण अपघात

मरण पावलेल्या व्यक्तींपैकी एकाची ओळख अद्याप पटलेली नाही. तर मृतांपैकी अन्य एका व्यक्तीचं नाव श्रणिक प्रभाकर होले असं असल्याची माहिती समोर आलीय. श्रणिक हा २७ वर्षांचा होता. संकेत बाळासाहेब भंडलकर (वय २१), सुनिल निळाराम शितकल (वय २२),अनिल बाळासाहेब जाधव (वय २२) अशी जखमी झालेल्या तरुणांची नावे आहेत.

पोलिसांनी दिलेल्या माहितीनुसार, या घटनेतील मयत श्रणिक पुण्याकडून यवतला मध्यरात्री तीन वाजण्याच्या सुमारास चार चाकी वाहनातून जात होता. श्रणिक मांजरी येथील द्राक्ष बागेच्याजवळ येताच, सोलापूरच्या बाजूने येणार्‍या चार चाकी वाहनांने दुभाजकापासून अचानक वळण घेतले. दोन्ही वाहनाची समोरासमोर जोरात धडक बसली. त्यानंतर श्रणिक होले यांची गाडी रस्त्याच्या बाजूला पलटी झाली, तर त्याचदरम्यान रस्त्याच्याकडेने पायी जात असणाऱ्या व्यक्तीला श्रणिक यांच्या गाडीने जोरात धडक दिली. यामध्ये त्या व्यक्तीचा जागीच मृत्यू झाला असून त्या व्यक्तिचे नाव समजू शकलेले नाही. तसेच दुसर्‍या चार चाकी वाहनातील तिघे जण गंभीर जखमी असल्याचे हडपसर पोलिसांनी सांगितले आहे.