कल्याणीनगरमधील ‘बॉलर’ पबच्या मालकाविरुद्ध गुन्हा; कारवाई करणाऱ्या पोलीस अधिकाऱ्याशी हुज्जत

हेही वाचा >>> कौन्सिल हाॅल रस्त्यावर भरधाव बुलेट घसरून युवकाचा मृत्यू; आठवडभरात दुसरा बुलेट अपघात

पोलिसांनी दिलेल्या माहितीनूसार, येरवडा पोलीस ठाण्यातील रात्र गस्तीवरील अधिकारी महेश लामखेडे सोमवारी तपासणीसाठी गेले होते. मध्यरात्री दोननंतर कल्याणीनगर भागातील बॉलर पब सुरु असल्याचे आढळले. पोलिसांचे पथक तेथे कारवाईसाठी गेले. पबमध्ये युवक-युवती होती. वेळ संपल्यानंतर पबमध्ये गर्दी होती. ग्राहकांना खाद्यपदार्थ, तसेच मद्यपान अशा सेवा पुरविण्यात येत होत्या. त्यामुळे लामखेडे यांनी पब बंद करण्यास सांगितले. त्यावेळी पबमधील व्यवस्थापकानेपोलिसांशी वाद घातला. ‘ तुम्ही आम्हाला त्रास दिल्यास आम्ही पोलीस आयुक्तांना दूरध्वनी करून तुमची तक्रार करू’, असे सांगितले. पोलिसांशी हुज्जत घालून, सरकारी कामात अडथळा आणल्याप्रकरणी गुन्हा दाखल करण्यात आला.