पुणे : धावण्याचा सराव करणाऱ्या महिलांची टिंगल अंगलट; खराडीत दोन उच्चशिक्षित तरूणांना अटक

याबाबत एका ४२ वर्षीय महिलेने चंदननगर पोलीस ठाण्यात फिर्याद दिली होती. तक्रारदार महिला संगणक अभियंता आहे. १ मे रोजी महिला आणि मैत्रिणी धावण्याचा सराव करत होत्या. त्यावेळी खराडीतील गेरा इम्पेरियम अल्फा सोसायटीसमोर दुचाकीवरून आलेल्या दोघांनी धावणाऱ्या महिलांची टिंगल केली आणि ते पसार झाले.

आरोपी खासगी कंपनीत चांगल्या पदावर कार्यरत

महिलेने याबाबत पोलिसांकडे तक्रार दिली. पोलिसांनी घटनास्थळाची पाहणी केली. तेथील सीसीटीव्ही कॅमेऱ्यांनी केलेले चित्रीकरण तपासासाठी ताब्यात घेतले. चित्रीकरणात दुचाकीचा क्रमांक मिळाला. त्या आधारे पोलिसांनी तपास सुरू केला. दोघे जण पेईंग गेस्ट म्हणून ज्या इमारतीत राहत होते. त्या इमारतीचा पत्ता पोलिसांनी मिळवला. दोघेजण खासगी कंपनीत चांगल्या पदावर काम करत असल्याची माहिती मिळाली. या दोघांना अटक करण्यात आली आहे.

हेही वाचा : पुणे : कोंढावा पोलिसांकडून मोटार चोरट्याला अटक, चौकशीत मोटार चोरीसह आणखी चार दुचाकी चोरीचे गुन्हे उघड

रात्रभर दारू पिऊन सकाळी महिलांची टिंगलटवाळी

घटनेच्या एक दिवस आधी दोन्ही आरोपींनी रात्रभर दारू प्यायली होती. सकाळी उठल्यानंतर दोघे दुचाकीवरून जात होते. त्यावेळी आरोपींनी महिलांना पाहून त्यांची टिंगल केली. महिलांनी आरओरडा केल्यानंतर दोघे दुचाकीवरुन पसार झाले.

चंदननगर पोलीस ठाण्याचे वरिष्ठ पोलीस निरीक्षक सुनील जाधव, गुन्हे शाखेचे निरीक्षक सुनील थोपटे, सहायक निरीक्षक मनोहर सोनावणे, उपनिरीक्षक दिलीप पालवे, सचिन कुटे, विक्रांत सासवडकर, सुभाष आव्हाड, संदीप येळे आदींनी ही कारवाई केली.