चंद्रकांत पाटील म्हणतात, ‘मी पुण्याचा सहपालकमंत्री!’

राज्य सरकारकडून बुधवारी पालकमंत्रिपदांच्या नियुक्त्या जाहीर करण्यात आल्या. त्यानुसार पुणे जिल्ह्याच्या पालकमंत्रिपदाची माळ अपेक्षेप्रमाणे उपमुख्यमंत्री अजित पवार यांच्या गळ्यात पडली. त्यामुळे राष्ट्रवादीच्या गोटात आनंदाचे वातावरण आहे. राज्यात सर्वांत मोठा पक्ष असलेल्या भाजपाचे ज्येष्ठ नेते आणि पालकमंत्री पाटील यांना सोलापूर आणि अमरावती जिल्ह्याचे पालकमंत्रिपद देण्यात आले असल्याने शहरासह जिल्ह्यातील भाजपाच्या गोटात नाराजीचे वातावरण आहे. या पार्श्वभूमीवर पाटील यांनी वरिष्ठ प्रशासकीय अधिकाऱ्यांना पुणे, पिंपरी-चिंचवड आणि उर्वरित ग्रामीण भागातील विकासकामांचा दर दोन महिन्यांनी मी स्वत: आढावा घेणार असल्याचे बजावले.

आणखी वाचा

काँग्रेसच्या कर्नाटकातील योजना बंद पडण्याच्या मार्गावर; प्रल्हाद जोशी

महायुतीला सत्ता मिळाली, लाडक्या बहिणींना २१०० रुपये कधीपासून…

मलकापुरात विकासकामांचा मुद्दा प्रचाराच्या केंद्रस्थानी, चैनसुख संचेती आणि राजेश एकडेंमध्ये कलगीतुरा

बॅग तपासणीवरून नवे वादंग; नाहक त्रास देण्याचा प्रयत्न, महाविकास आघाडीचा आरोप, विरोधकांकडून केवळ राजकारण : महायुतीचे प्रत्युत्तर

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

हडपसरमध्ये राष्ट्रवादी काँग्रेसमध्ये वर्चस्वासाठीची लढाई

नवी मुंबईच्या औद्योगिक पट्ट्यातीलही भूखंड खासगी विकासकाकडे!

हेही वाचा – आरक्षणासाठी मराठा सेवा संघ आक्रमक; दुर्लक्ष करणाऱ्या लोकप्रतिनिधींना धडा शिकविण्याचा निर्धार

दरम्यान, जिल्हा वार्षिक योजनेंतर्गत जिल्हा परिषद आणि राज्यस्तर यंत्रणेकडील सन २०२२-२३ मध्ये मंजूर कामांच्या प्रगतीचा आढावा पाटील यांनी गुरुवारी घेतला. सन २०२२-२३ मध्ये मंजूर कामे दोन वर्षांच्या आत पूर्ण करणे बंधनकारक असल्याने निधी अखर्चित राहू नये यासाठी या कामांचा वेग वाढवून डिसेंबरच्या आत ती पूर्ण करण्यात यावीत. कार्यारंभ आदेश देणे प्रलंबित असलेल्या प्रकरणात तातडीने कार्यवाही करत कामांना सुरुवात करावी. ग्रामपंचायतींना जनसुविधांसाठी विशेष अनुदान, मोठ्या ग्रामपंचायतींसाठी गावांतर्गत रस्ते, सांडपाणी व्यवस्थापन, पिण्याच्या पाण्याची व्यवस्था, भुयारी गटार, सांडपाणी व्यवस्थापन आदी कामांचा आढावा घेण्यात आला.

हेही वाचा – कोल्हापूरचा विशाल पिंजानी ठरला ‘मिस्टर गे इंडिया २०२३’चा विजेता

अजित पवार हे राज्यातील सत्तेत सहभागी झाल्यानंतर त्यांनी पुण्यातील विकासकामांबाबत बैठकांचा सपाटा लावला आहे. आता ते पालकमंत्री झाल्याने पुण्यावर त्यांचाच वरचष्मा राहणार असल्याची चर्चा आहे. मात्र, नियमानुसार पाटील हे कोथरूडचे लोकप्रतिनिधी असून, त्यांच्याकडे उच्च व तंत्रशिक्षण खाते आहेत. त्यामुळे ते आता पालकमंत्री नसले, तरी जिल्ह्याचे ‘सहपालकमंत्री’ म्हणून कायम राहणार आहेत. तसेच लोकप्रतिनिधी, पदाधिकाऱ्यांच्या शिफारशीनुसार विकासकामांच्या निधीवाटपाबाबत मुख्यमंत्री आणि दोन्ही उपमुख्यमंत्री हे गुणोत्तर निश्चित करणार आहेत. परिणामी पवार यांना पुण्यात मनमानी पद्धतीने कारभार हाकता येणार नाही, असेच पाटील यांनी गुरुवारच्या बैठकीत स्पष्ट केले.