चंद्रकांत पाटील म्हणतात, ‘मी पुण्याचा सहपालकमंत्री!’

राज्य सरकारकडून बुधवारी पालकमंत्रिपदांच्या नियुक्त्या जाहीर करण्यात आल्या. त्यानुसार पुणे जिल्ह्याच्या पालकमंत्रिपदाची माळ अपेक्षेप्रमाणे उपमुख्यमंत्री अजित पवार यांच्या गळ्यात पडली. त्यामुळे राष्ट्रवादीच्या गोटात आनंदाचे वातावरण आहे. राज्यात सर्वांत मोठा पक्ष असलेल्या भाजपाचे ज्येष्ठ नेते आणि पालकमंत्री पाटील यांना सोलापूर आणि अमरावती जिल्ह्याचे पालकमंत्रिपद देण्यात आले असल्याने शहरासह जिल्ह्यातील भाजपाच्या गोटात नाराजीचे वातावरण आहे. या पार्श्वभूमीवर पाटील यांनी वरिष्ठ प्रशासकीय अधिकाऱ्यांना पुणे, पिंपरी-चिंचवड आणि उर्वरित ग्रामीण भागातील विकासकामांचा दर दोन महिन्यांनी मी स्वत: आढावा घेणार असल्याचे बजावले.

आणखी वाचा

विविध सेवा विनाविलंब उपलब्ध करा; मुख्यमंत्री फडणवीस यांची सूचना; जिल्हा सुशासन निर्देशांक अहवालाचे प्रकाशन

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

राज्यातील ३० धरणांमध्ये भूकंपाचे परिणाम जोखण्यासाठी यंत्रणा

शिराळ्यात गव्यांकडून दोनशे एकर शेतीचे नुकसान

विकासकामांच्या गुणवत्तेवर अधिक भर द्यावा; पालिका आयुक्त भूषण गगराणी यांचे अधिकाऱ्यांना आदेश

पुणे : रेल्वे प्रवाशांचा स्थानकावरील प्रतिक्षाकाळ कमी होणार, आराखडा अंतिम टप्प्यात

राज्यातील महापालिका निवडणुकीबाबत महत्वाची अपडेट, बावनकुळे म्हणाले…

साताऱ्यातील आम्ही चारही मंत्री एकत्रितपणे जिल्ह्याचा विकास करू, सार्वजनिक बांधकाममंत्री शिवेंद्रराजेंचा विश्वास

हेही वाचा – आरक्षणासाठी मराठा सेवा संघ आक्रमक; दुर्लक्ष करणाऱ्या लोकप्रतिनिधींना धडा शिकविण्याचा निर्धार

दरम्यान, जिल्हा वार्षिक योजनेंतर्गत जिल्हा परिषद आणि राज्यस्तर यंत्रणेकडील सन २०२२-२३ मध्ये मंजूर कामांच्या प्रगतीचा आढावा पाटील यांनी गुरुवारी घेतला. सन २०२२-२३ मध्ये मंजूर कामे दोन वर्षांच्या आत पूर्ण करणे बंधनकारक असल्याने निधी अखर्चित राहू नये यासाठी या कामांचा वेग वाढवून डिसेंबरच्या आत ती पूर्ण करण्यात यावीत. कार्यारंभ आदेश देणे प्रलंबित असलेल्या प्रकरणात तातडीने कार्यवाही करत कामांना सुरुवात करावी. ग्रामपंचायतींना जनसुविधांसाठी विशेष अनुदान, मोठ्या ग्रामपंचायतींसाठी गावांतर्गत रस्ते, सांडपाणी व्यवस्थापन, पिण्याच्या पाण्याची व्यवस्था, भुयारी गटार, सांडपाणी व्यवस्थापन आदी कामांचा आढावा घेण्यात आला.

हेही वाचा – कोल्हापूरचा विशाल पिंजानी ठरला ‘मिस्टर गे इंडिया २०२३’चा विजेता

अजित पवार हे राज्यातील सत्तेत सहभागी झाल्यानंतर त्यांनी पुण्यातील विकासकामांबाबत बैठकांचा सपाटा लावला आहे. आता ते पालकमंत्री झाल्याने पुण्यावर त्यांचाच वरचष्मा राहणार असल्याची चर्चा आहे. मात्र, नियमानुसार पाटील हे कोथरूडचे लोकप्रतिनिधी असून, त्यांच्याकडे उच्च व तंत्रशिक्षण खाते आहेत. त्यामुळे ते आता पालकमंत्री नसले, तरी जिल्ह्याचे ‘सहपालकमंत्री’ म्हणून कायम राहणार आहेत. तसेच लोकप्रतिनिधी, पदाधिकाऱ्यांच्या शिफारशीनुसार विकासकामांच्या निधीवाटपाबाबत मुख्यमंत्री आणि दोन्ही उपमुख्यमंत्री हे गुणोत्तर निश्चित करणार आहेत. परिणामी पवार यांना पुण्यात मनमानी पद्धतीने कारभार हाकता येणार नाही, असेच पाटील यांनी गुरुवारच्या बैठकीत स्पष्ट केले.