“विजेची कामे करताना सुरक्षा साधनांचा वापर करावा”, मुख्य अभियंता धर्मराज पेठकर यांचे आवाहन

पुढे बोलताना मुख्य अभियंता पेठकर म्हणाले, महावितरणची आर्थिक परिस्थिती दोलायमान आहे. त्यासाठी वीज कर्मचाऱ्यांनी महसूल वाढवून वीजचोरीला आळा घातला पाहिजे. प्रत्येकाने आपापल्या कार्यक्षेत्रातील थकबाकीवर लक्ष केंद्रीत करुन ती वसूल करण्यासाठी टीम वर्कने काम करावे व दिलेल्या मुदतीत लक्ष गाठावे. तसेच काम करत असताना सुरक्षा साधनाचा व आर्थिंग रॉडचा वापर करुन स्वत:ची व आपल्या कुटुंबाची काळजी घ्यावी.

याप्रसंगी अधीक्षक अभियंता दिपक लहामगे यांनीही वीज कर्मचाऱ्यांना मार्गदर्शन केले. अतिरिक्त कार्यकारी अभियंता सचिन कोरडे यांनी वीज सुरक्षेबाबत सादरीकरण दिले. तर उपस्थित लाईनमन मधून हर्षद गावडे, राजेंद्र झिंझाडे व दामोदर कोकरे यांनी प्रातिनिधीक मनोगत व्यक्त केले. कार्यक्रमाला बारामती शहराचे अतिरिक्त कार्यकारी अभियंता गणेश जमाले, ग्रामीणचे उपकार्यकारी अभियंता मोहन सूळ यांचेसह विभागातील शाखा अभियंते व वीज कर्मचारी मोठ्या संख्येने उपस्थित होते.