शिरुर शहरास दिवसाआड पाणीपुरवठा : मुख्याधिकारी प्रीतम पाटील

सद्य परिस्थितीमध्ये बंधा-यात उपलब्ध असणारा पाणीसाठा काटकसर करुन वापरणे आवश्यक आहे.या परिस्थितीमध्ये उपाययोजना म्हणून गुरुवार दि. २० मार्च पासून शिरुर नगरपरिषदेच्या नळ पाणीपुरवठा योजनेतुन शहरास एक दिवसाआड पुरवठा केला जाणार आहे. म्हणजेच गुरुवारी दि . २० मार्च पासून पाणीपुरवठा बंद राहील व शुक्रवारी दि . २१ मार्च रोजी पाणी पुरवठा नियमित होईल.

नागरिकांनी पाण्याचा वापर जपून व काटकसरीने करावा. तसेच ज्या नळ कनेक्शन धारकांनी नळाला तोट्या लावलेल्या नाहीत, त्यांनी नळाला तोट्या बसवुन घ्याव्यात व पाणी वाया जाणार नाही याची दक्षता घ्यावी. तसेच नळ कनेक्शनला वीज मोटार लावून जास्तीचा पाणीसाठा करु नये. वीजपुरवठा खंडीत झाल्यास अथवा तांत्रिक बिघाड झाल्यास पाणीपुरवठ्याच्या नियमित वेळापत्रकात आवश्यकतेनुसार बदल करणेत येईल असे ही पाटील यांनी सांगितले .