पुणे : पाटील इस्टेट भागात दोन गटात हाणामारी ; परस्पर विरोधी तक्रारीनुसार गुन्हे दाखल

आरोपींनी केलेल्या मारहाणीत विकास सावंत, विकी लोखंडे, अजय लोखंडे जखमी झाले आहेत. उमेश सावंत (वय ३२) याने या संदर्भात खडकी पोलीस ठाण्यात फिर्याद दिली आहे.उमेश आणि त्याचा भाऊ विकास रात्री मित्रांबरोबर गप्पा मारत थांबले होते. त्या वेळी आरोपींनी विकास, विकी आणि अजय यांच्यावर शस्त्राने वार केले. आरोपींनी परिसरात दहशत माजविली.

हेही वाचा : पुणे : पीएमपी चालकाला बेदम मारहाण ; मुजोर मोटारचालकासह चौघांच्या विरोधात गुन्हा

दरम्यान, मोटारीचा धक्का लागल्याने झाल्याने वादातून एका तरुणावर शस्त्राने वार करण्यात आल्याची परस्पर विरोधी तक्रार पोलिसांकडे देण्यात आली आहे. आदिल (पूर्ण नाव नाही) असे जखमी झालेल्याचे नाव आहेत. या प्रकरणी उमेश सावंत, विकी लोखंडे, आकाश लाेखंडे, विकास लोखंडे, राहुल लोखंडे यांच्या विरोधात गुन्हा दाखल करण्यात आला आहे. पोलीस उपनिरीक्षक मोहन साळवी तपास करत आहेत.