स्वच्छ सर्वेक्षणात पिंपरी-चिंचवड देशात तेरावे, राज्यात तिसरे

केंद्रीय नागरी विकास मंत्री हरदिपसिंह पुरी यांच्या हस्ते आयुक्त शेखर सिंह, सहायक आयुक्त यशवंत डांगे, पर्यावरण विभागाचे सह शहर अभियंता संजय कुलकर्णी यांनी पुरस्कार स्वीकारला. केंद्र सरकारच्या वतीने देशात २०१६ मध्ये स्वच्छ सर्वेक्षण अभियान राबविण्यास सुरूवात केली. पहिल्याच वर्षी शहराचा स्वच्छतेमध्ये नववा क्रमांक आला. त्यानंतर शहर स्वच्छतेमध्ये सातत्याने पिछाडीवर गेले होते. त्यामुळे महापालिकेने विविध पातळ्यांवर जनजागृती आणि उपक्रम सुरू केले.

आणखी वाचा

 ‘सर्व्हर डाऊन’ ! राज्यात स्वस्त धान्य वाटप रखडले…

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

सरकारी प्रकल्पांमुळेच धुळधाण, नागरिकांच्या आरोग्यावर परिणाम होण्याची शक्यता

गणेशोत्सवानंतर तीन महिन्यातच ‘लक्ष्मी रस्ता’ पुन्हा राहणार बंद, काय आहे कारण?

क्लीन अप मार्शलकडून अस्वच्छता करणाऱ्यांवर कारवाईचा बडगा; पालिकेच्या तिजोरीत आठ महिन्यांत ३ कोटी दंड जमा

लाडकी बहीण योजनेच्या अर्ज छाननीत तीन टक्के त्रुटींचा संभव;  नाशिक विभागातील स्थिती

कल्याण : काळा तलाव साफसफाईत दिरंगाई करणाऱ्या ठेकेदाराला नोटीस, आयुक्त डॉ. इंदुराणी जाखड यांची कारवाई

कुत्र्याला स्वच्छतेचे महत्त्व कळले, माणसाला कधी कळणार? नदीतून कचरा बाहेर काढून कचरापेटीत टाकला, VIDEO एकदा पाहाच

स्वच्छतागृह, सार्वजनिक स्वच्छतागृह महिलांना चालविण्यासाठी दिले. ओला, सुका कचरा वर्गीकरण, कचरा संकलन मोहीम राबविली. सार्वजनिक रस्त्यावर कचरा टाकणे, थुंकणाऱ्यांवर कारवाईसाठी ग्रीन मार्शल पथकाची नेमणूक केली होती. केंद्र सरकारच्या स्वच्छ सर्वेक्षणांतर्गत देश पातळीवर शहरांच्या स्वच्छतेबाबतचे परीक्षण करण्यात आले. सेवा स्तर गुणांक, नागरिकांचा प्रतिसाद आणि कचरा, हागणदारी मुक्त शहर या घटकांवरती केंद्र शासनाने नेमलेल्या त्रयस्थ संस्थेमार्फत परीक्षण करण्यात आले.

असे मिळाले गुण

घरोघरी कचरा संकलनात ९९, कचरा विलगीकरण ८७, कच-यावर प्रक्रिया, रहिवाशी परिसर, बाजारपेठेतील स्वच्छतेला प्रत्येकी १००, सांडपाण्याचा फेरवापर, सार्वजनिक स्वच्छतागृहे यामध्येही प्रत्येकी १०० गुण मिळाले आहेत.

२०१६ पासूनची क्रमवारी

स्वच्छ सर्वेक्षणात सन २०१६ मध्ये शहराचा देशात नववा क्रमांक आला होता. २०१७ मध्ये ७२, २०१८ मध्ये ४३, २०१९ मध्ये ५२, २०२० मध्ये २४, २०२१ आणि २०२२ मध्येही १९ वा क्रमांक आला होता. २०२३ मध्ये सुधारणा होत तेरावा क्रमांक आला आहे.

याबाबत महापालिकेच्या आरोग्य विभागाचे सहायक आयुक्त यशवंत डांगे म्हणाले की, स्वच्छ सर्वेक्षणात क्रमवारी सुधारावी, यासाठी गेल्या वर्षभरापासून विविध उपक्रम राबविण्यात आले. शहरवासीयांनीही मोठे सहकार्य केले. त्यामुळेच स्वच्छ सर्वेक्षणात सुधारणा झाली. आगामी काळात शहर कसे स्वच्छ राहील, याकडे विशेष लक्ष केंद्रित केले जाणार आहे.