पुण्यात पुन्हा गारठा; तापमानात अचानक मोठी घट

पुणे शहर आणि परिसरात डिसेंबरच्या सुरुवातीपासून तापमानात चढ-उतार सुरू झाले आहेत. डिसेंबरच्या सुरुवातीला तापमानात वाढ झाली होती. नोव्हेंबरमध्ये १० अंशांखाली तापमान गेले असताना डिसेंबरच्या सुरुवातीला रात्रीचे किमान तापमान १७ ते १८ अंशांपर्यंत वाढले होते. त्यामुळे थंडी पूर्णपणे गायब झाली होती. गारव्याऐवजी उकाडा जाणवत असल्याने नागरिकांना गरम कपड्यांऐवजी पंखे, कुलर, वातानुकूलित यंत्रणांचा आधार घ्यावा लागला होता. मात्र, गेल्या दोन दिवसांपासून तापमानात पुन्हा घट सुरू झाली. शुक्रवारी तापमानाचा पारा एकदमच १० अंश सेल्सिअसच्या खाली घसरला.

आणखी वाचा

वसई : २९ गावांचे प्रकरण तापले, सुनावणीची प्रक्रिया बेकायदेशीर असल्याचा आरोप

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

विदर्भ गारठला… गोंदिया ९.४, तर नागपूर, वर्धा १० अंश सेल्सिअस

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी

Cylinder explosion : बदलापुरात सिलेंडरचा स्फोट, एक जखमी

उत्तरेत ऐन थंडीत बटाटा तापला; पश्चिम बंगालने राज्याबाहेर बटाटा, कांदा विक्री, वाहतुकीस घातली बंदी

ठाणे जिल्हा पुन्हा गारठला, जिल्ह्यातील तापमान सरासरी १२ अंश सेल्सिअस

मुंबईत प्रथमच किमान तापमान २० अंशाखाली, सांताक्रूझमध्ये १३.७ नीचांकी तापमानाची नोंद

हेही वाचा >>> पुणे: वसंत मोरेंची नाराजी दूर करण्यासाठी अमित ठाकरेंची मध्यस्ती?

पुणे शहरात गुरुवारी (८ डिसेंबर) १४.७ अंश किमान तापमानाची नोंद झाली होती. त्यात एकच दिवसात तब्बल पाच अंशांनी घट झाली. किमान तापमानाचा पारा थेट ९.४ अंशांपर्यंत खाली आल्याने शहरात पुन्हा गारठा निर्माण झाला. रात्रीच्या किमान तापमानासह दिवसाच्या कमाल तापमानातही घट झाली आहे. शुक्रवारी शहरात २९.१ अंश कमाल तापमानाची नोंद झाली. किमान तापमानातील ही घट आणि गारठा आणखी दोन दिवस कायम राहणार आहे. त्यानंतर बंगालच्या उपसागरात निर्माण झालेल्या मंदौस चक्रीवादळाचा परिणाम म्हणून शहरातही पावसाळी स्थिती निर्माण होण्याची शक्यता आहे. त्यामुळे तापमानात काही प्रमाणात वाढ होणार आहे.