पुणे : वैकुंठ स्मशानभूमी परिसरातील समस्या दूर करण्यासाठी समिती, चंद्रकांत पाटील यांची माहिती

वैकुंठ स्मशानभूमीसंदर्भातील प्रश्नांसंदर्भात चंद्रकांत पाटील यांनी सोमवारी बैठक घेतली. महापालिकेचे अतिरिक्त आयुक्त डाॅ. कुणाल खेमनार, विकास ढाकणे, विद्युत विभागाचे प्रमुख श्रीनिवास कंदुल यावेळी उपस्थित होते. वैकुंठ स्मशानभूमीतील धुरामुळे स्मशानभूमीच्या बाजूच्या सोसायट्यांना धुराचा त्रास होत असल्याच्या तक्रारीच्या अनुषंगाने चंद्रकांत पाटील यांनी काही सूचना महापालिकेला केली. वैकुंठ स्मशानभूमीतील वायू प्रदूषण कमी करण्यासाठी तेथे वापर होत असलेले लाकडावरील शवदहन कमी करावे आणि लाकडावरील दहन ऐवजी विद्युत आणि गॅस दहिनीची उभारणी करावी. त्याचबरोबर धुराड्याच्या चिमणीची उंची वाढवणे, हवेत जाणाऱ्या धुराचे प्रमाण कमी करण्यासाठी ड्राय स्क्रबरची उभारणी करणे आदी उपाययोजना तातडीने करण्यासही पाटील यांनी सांगितले.

आणखी वाचा

देवेंद्र फडणवीस यांच्या भाषणावेळी खुर्च्या रिकाम्या होण्यास सुरुवात

Nana Patole : निकालाआधी राजकीय घडामोडींना वेग; यातच…

२०१९ च्या त्या बैठकीत काय घडलं? कथित सत्तांतर घडवणारी बैठक कधी, केव्हा, कुठे झाली होती?

MPSC मंत्र :  राज्य सेवा मुख्य परीक्षा – मानवी हक्क विकासात्मक मुद्दे

विश्लेषण : शिकवणी वर्गांच्या जाहिरातींना चाप?

बॅग तपासणीवरून नवे वादंग; नाहक त्रास देण्याचा प्रयत्न, महाविकास आघाडीचा आरोप, विरोधकांकडून केवळ राजकारण : महायुतीचे प्रत्युत्तर

नेहरूंचे साहित्य लवकरच एका क्लिकवर!

हेही वाचा >>> मेट्रोच्या २ हजार ‘सेंगमेंट’ची उभारणी, हिंजवडी-शिवाजीनगर मार्गिकेचा महत्त्वाचा टप्पा पूर्ण

महानगरपालिका क्षेत्रात १० विद्युत दाहिन्या, १३ गॅस दाहिन्या, १ हायब्रीड दाहिनी तसेच २३ ए.पी.सी. यंत्रणा असे एकूण ४७ यंत्रणा शवदहनासाठी उपलब्ध आहेत. नागरिकांनी विकेंद्रित स्वरुपात या सुविधांचा वापर केल्यास वैकुंठ प्रमाणे एकाच ठिकाणी जास्त ताण येणार नाही, असेही अतिरिक्त आयुक्त डाॅ. कुणाल खेमनार यांनी सांगितले. तसेच ‘निरी’ आणि महाराष्ट्र राज्य प्रदुषण नियमाक मंडळाच्या अधिकाऱ्यांनी पाहणी करून प्रस्तावित केलेल्या उपाययोजनांची कार्यवाही सुरू असल्याचा दावा प्रशासनाकडून करण्यात आला.