नेत्यांच्या कार्यशैलीला कंटाळून पदाधिकाऱ्यांची काँग्रेसला सोडचिठ्ठी, अजित पवार यांच्या राष्ट्रवादी काँग्रेसमध्ये लवकरच प्रवेश

अनेक वर्षे पक्षासाठी झटूनही संधी मिळत नसल्याची भावना पदाधिकारी आणि कार्यकर्त्यांमध्ये आहे. याशिवाय, शहरातील वरिष्ठ नेते संघटन कार्यात मदत करत नसल्याचा आरोप कार्यकर्त्यांकडून होत आहे. आगामी निवडणुकीच्या पार्श्वभूमीवरही काँग्रेसमध्ये जुन्याच पदाधिकाऱ्यांना संधी दिली जात आहे. या सर्व कारणांमुळे रोहन सुरवसे पाटील आणि त्यांच्या सहकाऱ्यांनी काँग्रेसला रामराम करत अजित पवार यांच्या राष्ट्रवादी काँग्रेसमध्ये प्रवेश करण्याचा निर्णय घेतला आहे. या संदर्भात पार्थ पवार आणि सुनील तटकरे यांच्या समवेत बैठकही झाली असल्याची चर्चा आहे.