मेट्रोच्या २ हजार ‘सेंगमेंट’ची उभारणी, हिंजवडी-शिवाजीनगर मार्गिकेचा महत्त्वाचा टप्पा पूर्ण

पुणे मेट्रो मार्गिका तीनवर २३ जुलै २०२२ रोजी पहिला सेगमेंट हिंजवडी येथे उभारण्यात आला होता. त्यानंतर नऊ महिन्यांच्या कालावधीत तब्बल दोन हजार सेगमेंट विकसकांनी उभे केले आहेत. हिंजवडी ते शिवाजीनगर मार्गावरील पुणे मेट्रो मार्गिका तीनचे काम पुणे महानगर प्रदेश विकास प्राधिकरणातर्फे (पीएमआरडीए) सार्वजनिक खासगी भागीदारी (पीपीपी) तत्त्वावर टाटा समूहाने हाती घेतले आहे. त्याच्या कार्यान्वयनासाठी पुणे आयटी सिटी मेट्रो रेल लिमिटेड या स्पेशल पर्पज व्हेईकल (एसपीव्ही) कंपनीची स्थापना करण्यात आलेली आहे.

आणखी वाचा

रेमंड येथील वृक्षतोडी संदर्भात महापालिकेत सुनावणी

Malasian Airlines: बेपत्ता MH370 चा शोध; पुण्यातील प्रल्हाद…

टिटवाळा-मांडामध्ये बेकायदा चाळींच्या विरुध्द तोडकामाची मोहीम

एमएमआरडीएच्या पायाभूत सुविधा प्रकल्पांना अर्थबळ; १२ हजार कोटींच्या कर्जासाठी राज्य सरकारची हमी

रत्नागिरी जिल्हा नियोजन समिती बैठकीत ८६०.२१ कोटींच्या आराखड्यास मंजुरी

पुणे : राजेवाडी स्थानकापासून पुरंदर विमानतळापर्यंत रेल्वे मार्गिका, एकात्मिक वाहतूक आराखड्यात प्रकल्प प्रस्तावित

एकाचा पुनर्विकास दुसऱ्याला नसावा त्रास

पुणे : जिल्ह्याच्या एकात्मिक वाहतुकीसाठी तीस वर्षांचा आराखडा, १.२६ लाख कोटींचा खर्च अपेक्षित

हेही वाचा >>> अंशदान घेऊन पतसंस्थांमधील ठेवींना संरक्षण?, राज्य सरकारकडून लवकरच घोषणा

याबाबत पुणे आयटी सिटी मेट्रो रेल लिमिटेडचे मुख्य कार्यकारी अधिकारी आलोक कपूर म्हणाले, की हिंजवडी ते शिवाजीनगर मार्गावरील मेट्रोच्या उभारणीमुळे सुलभ, वेगवान व स्वस्त सार्वजनिक वाहतुकीचा पर्याय उपलब्ध होईल. या प्रकल्पाचे काम नियोजित वेळेत पूर्ण करण्यासाठी पूर्ण क्षमतेने काम सुरू आहे. केवळ नऊ महिन्यांत दोन हजार सेगमेंटची आणि काम सुरू झाल्यापासून वर्षभरातच एकूण खांब उभारणीपैकी ५० टक्के खांब उभारणी पूर्ण करण्याचा टप्पा गाठण्यात आम्हाला यश मिळाले आहे.

हेही वाचा >>> पाणीकपात की पळवाट?, कालवा सल्लागार समितीची उद्या बैठक; उपलब्ध पाण्याचे नियोजन

फडणवीसांना पाहणीचे निमंत्रण

या कामाच्या अनुषंगाने पुणे आयटी सिटी मेट्रो रेल लिमिटेडच्या वरिष्ठ अधिकाऱ्यांनी उपमुख्यमंत्री देवेंद्र फडणवीस यांची भेट घेतली. या भेटीत पुणे मेट्रो मार्गिका तीनबाबत विविध बाबींवर चर्चा करण्यात आली. तसेच या कामाच्या प्रगतीचा आढावाही घेण्यात आला. हिंजवडी ते शिवाजीनगर मार्गावरील मेट्रो अतिशय महत्त्वाची असून फडणवीस यांनी या मार्गाला भेट देण्यासाठी आणि प्रगती पाहण्यासाठी पुण्यात यावे, असे निमंत्रण पुणे आयटी सिटी मेट्रो रेल लिमिटेडच्या वतीने या बैठकीत देण्यात आले.

हिंजवडी-शिवाजीनगर मार्गावर मेट्रोने प्रवास करताना नागरिकांना उत्तम अनुभव मिळावा यासाठी आम्ही काम करत आहोत. विशेषत: मेट्रो स्थानकांचे तसेच ट्रेनच्या अंतर्गत रचनेचे आरेखन करताना आम्ही प्रवासीकेंद्रित मानसिकतेचा अभ्यास करून रचना बनवत आहोत.

– नेहा पंडित, व्यवसाय प्रमुख व संचालिका, पुणे आयटी सिटी मेट्रो रेल लिमिटेड