सत्तेच्या नावाखाली भ्रष्टाचार करणे हा भाजपाचा धंदा – नाना पटोले

पुण्यात एका कार्यक्रमासाठी काँग्रेस पक्षाचे प्रदेशाध्यक्ष नाना पटोले आले असताना. त्यांनी आगामी निवडणुकीत भाजपाला घरी बसविण्याच्या दृष्टीने काय रणनीती असणार आहे, यावर भूमिका मांडली.

पंतप्रधानांनी पाकिस्तानसह जगातील १७ देशांना लस पाठवली

“जागतिक आरोग्य संघटनेकडून ऑक्टोबर महिन्यात सांगण्यात आले होते की, भारताला करोनाच्या दुसर्‍या लाटेचा धोका निर्माण होणार आहे. मात्र आपल्या पंतप्रधानांनी पाकिस्तानसह जगातील १७ देशांना लस पाठवली. ज्या देशाने पुलवामासारखी घटना घडविली. त्यामध्ये आमचे सैनिक शहीद झाले, अशा शत्रू देशाला मोफत लस दिली गेली. पण हीच लस आपल्या देशातील जनतेला द्यायला पाहिजे होती. मात्र तसे काही झाले नाही. त्या बाबत योग्य नियोजन करायला पाहिजे होते. त्यामुळे अनेक नागरिकाचे जीव वाचले असते आणि गंगा नदीत प्रेत वाहताना दिसले नसते,” अशा शब्दात नाना पटोले यांनी पंतप्रधान नरेंद्र मोदी यांच्यावर त्यांनी निशाणा साधला.