खोटी साक्ष देणाऱ्या डॉक्टरांना म्हणणे मांडण्यासाठी मुदतवाढ

संतोष माने खटल्यामध्ये माने हा मनोरुग्ण असल्याची खोटी साक्ष देणाऱ्या डॉ. दिलीप बुरटे यांना त्यांचे म्हणणे मांडण्यास २२ एप्रिलपर्यंत न्यायालयाने मुदतवाढ दिली आहे.
माने खटल्यामध्ये न्यायालयात खोटी साक्ष देऊन बनावट कागदपत्रे सादर करून दिशाभूल करण्याचा प्रयत्न केला, त्यामुळे तुमच्यावर कलम १९३ प्रमाणे खटला का चालवू नये, अशी नोटीस जिल्हा व सत्र न्यायाधीश व्ही. के. शेवाळे यांनी ८ एप्रिल रोजी डॉ. बुरटे यांना बजावली होती. त्यावर डॉ. बुरटे यांच्या वतीने अॅड. बीडकर यांनी मुदत वाढवून देण्याची मागणी केली होती. ती मान्य करत न्यायालयाने २२ एप्रिलपर्यंत त्यांचे म्हणे मांडण्यास मुदतवाढ दिली आहे.