पुणे : पाकिस्तानी गुप्तचर यंत्रणेला गोपनीय माहिती पुरविल्याप्रकरणी संरक्षण संशोधन आणि विकास संस्थेचे (डीआरडीओ) संचालक, वरिष्ठ शास्त्रज्ञ डॉ. प्रदीप कुरुलकर यांची पॉलिग्राफ आणि आवाजाची चाचणी करण्याबाबत (व्हॉइस लेअर ॲनॅलिसिस) दहशतवाद विरोधी पथकाकडून (एटीएस) दाखल करण्यात आलेला अर्ज न्यायालयाने फेटाळून लावला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
अतिरिक्त सत्र न्यायाधीश एस. बी. कचरे यांनी याबाबतचे आदेश दिले. कुरुलकर तपासात सहकार्य करत नसल्याचे सरकारी वकील ॲड. विजय फरगडे यांनी न्यायालयात नमूद केले होते. कुरुलकर याने मोबाइल संचातील काही विदा (डाटा) नष्ट करण्याचा प्रयत्न केला आहे. तो परत मिळवायचा आहे. कुरुलकर बऱ्याच गोष्टी लपविण्याचा प्रयत्न करत आहे. त्यासाठी व्हॉईस लेअर सायकोलाॅजिकल ॲनॅलिसिस चाचणी करायची आहे. पॉलिग्राफ चाचणीसाठी आरोपीची परवानगी आवश्यक असते. मात्र, व्हाॅइस लेअर चाचणीसाठी आरोपीची परवानगी गरजेची नसते. असे ॲड. फरगडे यांनी युक्तिवादात सांगितले होते.
हेही वाचा >>> पिंपरी: अजित पवारांच्या बालेकिल्ल्यात राष्ट्रवादीची दोन पक्ष कार्यालये, शरद पवार गटाच्या कार्यालयाचं होणार लवकरच उद्घाटन!
त्यावर न्यायालयाने एटीएसच्या अधिकाऱ्यांना व्हॉइस लेअर ॲनॅलिसिस चाचणी म्हणजे काय, ती कशासाठी केली जाते, यापूर्वी ही चाचणी कोणाची झाली आहे का, अशी विचारणा एटीएस अधिकाऱ्यांकडे केली होती. मात्र, एटीएसच्या अधिकाऱ्यांना पुरेशी माहिती देता आली नाही. त्यामुळे न्यायालयाने चाचणीबाबत सुनावणी घेण्यापूर्वी उपस्थित केलेल्या प्रश्नांची उत्तरे देण्यास सांगितले होते. दरम्यान, डॉ. कुरुलकरने या दोन्ही चाचण्या करण्यास नकार दिला होता.
कुरुलकरचे वकील ॲड. ऋषिकेश गानू यांनी एटीएसच्या अर्जास विरोध केला होता. कुरुलकरच्या परवानगीशिवाय व्हॉइस लेअर ॲनॅलिसिस चाचणी, पॉलिग्राफ चाचणी करणे संशयित आरोपीच्या अधिकारांच्या विरुद्ध आहे. कुरुलकरकडून जप्त करण्यात आलेला लॅपटॉप, मोबाइल संचाचे तांत्रिक विश्लेषण करण्यात आले होते. तांत्रिक विश्लेषण करून डीआरडीओच्या समितीने याबाबतची कागदपत्रे एटीएसकडे सोपविली होती, असे ॲड. गानू यांनी सांगितले होते. दोन्ही बाजूंचा युक्तिवाद ऐकून न्यायालयाने एटीएसने दाखल केलेला अर्ज फेटाळून लावला.
हेही वाचा >>> देशाचे नाव भारत हेच राहिले पाहिजे, राष्ट्रीय स्वयंसेवक संघाची भूमिका
एटीएसला धक्का कुरुलकर तपासात सहकार्य करत नसल्याचे एटीएसच्या वकिलांनी न्यायालयात सांगितले होते. कुरुलकर बऱ्याच गोष्टी लपविण्याचा प्रयत्न करत आहे. त्यासाठी व्हॉईस लेअर सायकोलॉजिकल ॲनॅलिसिस आणि पॉलिग्राफ चाचणी करायची आहे, असे एटीएसने दाखल केलेल्या अर्जात म्हटले होते. संबंधित अर्ज न्यायालयाने फेटाळून लावल्याने एटीएसला धक्का बसला आहे.
अतिरिक्त सत्र न्यायाधीश एस. बी. कचरे यांनी याबाबतचे आदेश दिले. कुरुलकर तपासात सहकार्य करत नसल्याचे सरकारी वकील ॲड. विजय फरगडे यांनी न्यायालयात नमूद केले होते. कुरुलकर याने मोबाइल संचातील काही विदा (डाटा) नष्ट करण्याचा प्रयत्न केला आहे. तो परत मिळवायचा आहे. कुरुलकर बऱ्याच गोष्टी लपविण्याचा प्रयत्न करत आहे. त्यासाठी व्हॉईस लेअर सायकोलाॅजिकल ॲनॅलिसिस चाचणी करायची आहे. पॉलिग्राफ चाचणीसाठी आरोपीची परवानगी आवश्यक असते. मात्र, व्हाॅइस लेअर चाचणीसाठी आरोपीची परवानगी गरजेची नसते. असे ॲड. फरगडे यांनी युक्तिवादात सांगितले होते.
हेही वाचा >>> पिंपरी: अजित पवारांच्या बालेकिल्ल्यात राष्ट्रवादीची दोन पक्ष कार्यालये, शरद पवार गटाच्या कार्यालयाचं होणार लवकरच उद्घाटन!
त्यावर न्यायालयाने एटीएसच्या अधिकाऱ्यांना व्हॉइस लेअर ॲनॅलिसिस चाचणी म्हणजे काय, ती कशासाठी केली जाते, यापूर्वी ही चाचणी कोणाची झाली आहे का, अशी विचारणा एटीएस अधिकाऱ्यांकडे केली होती. मात्र, एटीएसच्या अधिकाऱ्यांना पुरेशी माहिती देता आली नाही. त्यामुळे न्यायालयाने चाचणीबाबत सुनावणी घेण्यापूर्वी उपस्थित केलेल्या प्रश्नांची उत्तरे देण्यास सांगितले होते. दरम्यान, डॉ. कुरुलकरने या दोन्ही चाचण्या करण्यास नकार दिला होता.
कुरुलकरचे वकील ॲड. ऋषिकेश गानू यांनी एटीएसच्या अर्जास विरोध केला होता. कुरुलकरच्या परवानगीशिवाय व्हॉइस लेअर ॲनॅलिसिस चाचणी, पॉलिग्राफ चाचणी करणे संशयित आरोपीच्या अधिकारांच्या विरुद्ध आहे. कुरुलकरकडून जप्त करण्यात आलेला लॅपटॉप, मोबाइल संचाचे तांत्रिक विश्लेषण करण्यात आले होते. तांत्रिक विश्लेषण करून डीआरडीओच्या समितीने याबाबतची कागदपत्रे एटीएसकडे सोपविली होती, असे ॲड. गानू यांनी सांगितले होते. दोन्ही बाजूंचा युक्तिवाद ऐकून न्यायालयाने एटीएसने दाखल केलेला अर्ज फेटाळून लावला.
हेही वाचा >>> देशाचे नाव भारत हेच राहिले पाहिजे, राष्ट्रीय स्वयंसेवक संघाची भूमिका
एटीएसला धक्का कुरुलकर तपासात सहकार्य करत नसल्याचे एटीएसच्या वकिलांनी न्यायालयात सांगितले होते. कुरुलकर बऱ्याच गोष्टी लपविण्याचा प्रयत्न करत आहे. त्यासाठी व्हॉईस लेअर सायकोलॉजिकल ॲनॅलिसिस आणि पॉलिग्राफ चाचणी करायची आहे, असे एटीएसने दाखल केलेल्या अर्जात म्हटले होते. संबंधित अर्ज न्यायालयाने फेटाळून लावल्याने एटीएसला धक्का बसला आहे.
