चिंता वाढवणारी बातमी! पुणे विमानतळावर आढळला करोना पॉझिटिव्ह रुग्ण

“चिंता करण्याची गरज नाही. गेल्या ८ ते १० दिवसांपासून आपण विदेशातून येणाऱ्या नागरिकांची चाचणी करण्यास सुरुवात केली आहे,” अशी माहिती पुणे महापालिकेतील सहाय्यक आरोग्य अधिकारी संजीव वावरे यांनी दिली आहे.

चीनमधील करोनाच्या उद्रेकामुळे भारत सावध; नमुन्यांचे ‘जनुकीय क्रमनिर्धारण’ वाढविण्याची केंद्राची राज्यांना सूचना

पॉझिटिव्ह आढळलेल्या प्रवाशासंबंधी माहिती देताना त्यांनी सांगितलं की “ती ३२ वर्षीय महिला आहे. त्यांना कोणतंही लक्षण जाणवत नाही आहे. त्यांना सध्या घऱातच विलगीकरणात ठेवण्यात आलं आहे”.

करोनाच्या पार्श्वभूमीवर करण्यात आलेल्या उपाययोजनांची माहिती देताना ते म्हणाले की “एकूण २० ठिकाणी आपण लसीकरण सुरु केलं आहे. ९० टक्के लोकांनी दोन्ही डोस घेतले आहेत. पण बूस्टर डोस न घेणाऱ्यांची संख्या अधिक आहे. त्यांना आम्ही या लसीकरण केंद्रात जाऊन बूस्टर डोस घेण्यासाठी आवाहन करत आहोत. तसंच गेली २ वर्ष जी काळजी आपण घेतली तेच नियम पाळावेत असं आवाहन आहे”.