पिंपरी : रावेतमधील क्रिएटिव्ह ॲकॅडमी निवासी शाळा विनापरवाना, महापालिकेडून चौकशी समिती

पिंपरी : रावेतमधील क्रिएटिव्ह ॲकॅडमी या निवासी शाळेच्या संचालकाला बलात्काराच्या गुन्ह्याप्रकरणी पोलिसांनी अटक केल्यानंतर धक्कादायक माहिती समोर येत आहे. या संचालकावर आणखी एक गुन्हा दाखल झाला असून, निवासी शाळेची मान्यता नाही, शिक्षण विभागाचे स्वमान्यता प्रमाणपत्र, अग्निशामक विभागाचा परवानाही नसल्याचे समोर आल्याने शाळेच्या चौकशीसाठी चार पर्यवेक्षकांची समिती नेमली आहे.

आणखी वाचा

Nagpur Crime : विद्यार्थिनींवर लैंगिक अत्याचार करुन ब्लॅकमेल करणाऱ्या मानसोपचार तज्ज्ञाला अटक, मोबाइलमध्ये आढळले आक्षेपार्ह फोटो आणि व्हिडीओ

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

भाजपा प्रदेशाध्यक्ष आणि काँग्रेस नेत्यावर सामूहिक बलात्काराचा गुन्हा; नेमकं प्रकरण काय?

डोंबिवलीत चोरी करत असताना चोरट्याला नागरिकांनी पकडले

Kerala Sexual Case : लैंगिक अत्याचार करणाऱ्या ६४ पैकी २० जणांना अटक; ४० जणांचे नंबर वडिलांच्या मोबाईलमध्ये सेव्ह! चौकशीतून धक्कादायक माहिती उघड

पिंपरी : लाच प्रकरणातील मीटर निरीक्षक निलंबित

धक्कादायक! जात पंचायतीच्या आदेश झुगारला म्हणून सामाजिक बहिष्कार

Bomb Threat : दिल्लीतील शाळांना बॉम्बची धमकी प्रकरणात मोठी माहिती समोर; १२ वीच्या विद्यार्थ्याला अटक, कारण ऐकून सर्वांनाच बसला धक्का

रावेत येथे क्रिएटिव्ह ॲकॅडमी ही निवासी शाळा आहे. शाळेचा संचालक नौशाद शेख याला विद्यार्थिनीवर लैंगिक अत्याचार केल्याप्रकरणी अटक करण्यात आली. तसेच त्याच्यावर आणखी एक गुन्हा दाखल करण्यात आला आहे. या प्रकरणानंतर महापालिकेच्या शिक्षण विभागाने शाळेत जाऊन पंचनामा केला. शाळेमध्ये निवासी वसतिगृहाची मान्यता नसताना ते बेकायदारीत्या चालविले जात आहे. निवासी शाळेची मान्यता नाही. शिक्षण विभागाकडून दर तीन वर्षांनी नूतनीकरण करून स्वमान्यता प्रमाणपत्र घ्यावे लागते, तेही घेण्यात आले नाही. अग्निशामक विभागाचा ना हरकत दाखला नसल्याचे समोर आले आहे. त्यामुळे शाळेची चौकशी करण्यासाठी महापालिकेच्या शिक्षण विभागाने चौकशी समिती नेमली आहे.

आणखी वाचा-तलाठी भरती परीक्षेतील उमेदवारांच्या कागदपत्रांची तपासणी

शाळेत घडलेल्या प्रकारामुळे विद्यार्थ्यांची प्रत्यक्ष भेट घेतली. त्यांना दहावी व बारावीच्या परीक्षेवर लक्ष केंद्रित करण्यास सांगितले आहे. ज्या मुलांना आपल्या पालकांकडे जायचे आहे, त्यांना जाऊ द्यावे. तसेच मुलींची परीक्षा होईपर्यंत त्यांच्या आईंनी वसतिगृहात राहण्याची परवानगी मागितली आहे. त्यांना परवानगी देण्याची सूचना संबंधित शाळेला केली असल्याचे महापालिकेचे शिक्षणाधिकारी संजय नाईकडे यांनी सांगितले.