डाॅ. नरेंद्र दाभोलकर हत्या प्रकरण; न्यायवैद्यकीय प्रयोगशाळेतील अधिकाऱ्याची उलटतपासणी

पुणे : महाराष्ट्र अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर हत्या प्रकरणात मंगळवारी विशेष न्यायालयात केंद्रीय न्यायवैद्यकीय प्रयोगशाळेचे वरिष्ठ अधिकारी नीलेश वाघ यांची बचाव पक्षातर्फे उलटतपासणी घेण्यात आली.डाॅ. दाभोलकर हत्या प्रकरणाची विशेष न्यायाधीश एस. आर. नावंदर यांच्या न्यायालयात सुनावणी सुरू आहे. डाॅ. दाभोलकर यांच्या हत्येचा आरोप असलेले सचिन अंदुरे, शरद कळसकर आणि डॉ. वीरेंद्र तावडे यांचे मानसशास्त्रीय मूल्यमापन वाघ यांनी केले होते. त्या अनुषंगाने बचाव पक्षाचे वकील ॲड. प्रकाश साळशिंगीकर यांनी वाघ यांची उलटतपासणी घेतली.