बारामतीत गोविंदबागेत इच्छुकांची भाऊगर्दी, पश्चिम महाराष्ट्रातील नेत्यांकडून शरद पवार यांंची भेट

राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष शरद पवार मंगळवारपासून तीन दिवसांच्या बारामती तालुक्याच्या दौऱ्यावर आहेत. या दौऱ्यावेळी अनेक नेत्यांनी आणि त्यांच्या समर्थकांनी पवार यांची भेट घेतली. लोकसभा निवडणुकीत पवार यांच्या नेतृत्वाखाली पक्षाला सहकार आणि साखर पट्टा अशी ओळख असलेल्या पश्चिम महाराष्ट्रात मोठे यश मिळाले आहे. लोकसभा निवडणुकीत भाजपला धक्का देऊन पवार यांनी पश्चिम महाराष्ट्रातून महाविकास आघाडीचे अधिक खासदार निवडून आणले होते. या पार्श्वभूमीवर विधानसभा निवडणुकीतही पश्चिम महाराष्ट्रातून जास्तीत जास्त जागा मिळविण्याची रणनीती पवार यांनी आखली आहे. काही दिवसांपूर्वी कोल्हापूर ग्रामीणचे भाजपचे नेते समरजित सिंह घाटगे यांनी पवार यांच्या उपस्थितीत राष्ट्रवादी काँग्रेसमध्ये प्रवेश केला होता. तर, इंदापूरचे माजी आमदार, भाजप नेते हर्षवर्धन पाटील हेही राष्ट्रवादी काँग्रेसमध्ये जाण्याची चर्चा सुरू झाली आहे. या पार्श्वभूमीवर पश्चिम महाराष्ट्रातील अनेक नेत्यांनी पवार यांची ‘गोविंदबाग’ येथे भेट घेतल्याने पश्चिम महाराष्ट्रातील राजकीय समीकरणे बदलतील, अशी शक्यता व्यक्त होत आहे.

आणखी वाचा

पाडा पाडा म्हणणाऱ्या पवारांचे उमेदवारच लोक पाडतील; उदयनराजे यांचे टीकास्त्र

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

प्रतिभा पवार यांंना प्रचारापासून रोखल्याचे बारामतीत पडसाद; शरद पवार यांच्या बॅगची तपासणी

राहुल गांधी नागपुरात आले आणि…टमाटरने सजवलेल्या तर्री पोह्यांसाठी थेट….

भविष्यात बजाजची बायोगॅसवर चालणारी दुचाकी! राजीव बजाज यांची मोठी घोषणा

Sharad Pawar : अजित पवारांचा परतीचा मार्ग मोकळा? शरद पवारांच्या वक्तव्याने सर्वांच्या भुवया उंचावल्या

नाव घेतले तर न्यायाल्यात खेचीन ‘ कोणी ‘ पाठविली शरद पवार यांना नोटीस !

पवार यांचा नागपूर दौरा, भाजपला इशारा अन् कॉंग्रेस नेत्यांशी खलबते

हेही वाचा – बारामतीत शासकीय कार्यक्रमात अजित पवारांंचा खासगी सचिव व्यासपीठावर?; राजशिष्टाचारात बदल केले का? सुप्रिया सुळेंचा सवाल

हेही वाचा – विड्याची पाने का महागली ? जाणून घ्या, अतिवृष्टी, संततधारेचा परिणाम काय?

सोलापूर जिल्ह्यातील मंगळवेढा आणि पंढपूर तालुक्यातील इच्छुकांनी खासदार धैर्यशील मोहिते पाटील यांच्या नेतृत्वाखाली पवार यांची मंगळवारी भेट घेऊन चर्चा केली होती. त्यानंतर सातारा जिल्ह्यातील माण-खटाव मतदारसंघातील अनेक नेत्यांनीही मतदारसंघासंदर्भात पवार यांची भेट घेतली. अनिल देसाई समर्थकांनीही पवार यांच्यासमवेत चर्चा केली. तर पवार यांचे समर्थक अप्पासाहेब जगदाळे यांनीही इंदापूर येथून निवडणूक लढविण्यासंदर्भात पवार यांची भेट घेत चाचपणी केली. पश्चिम महाराष्ट्रातील अनेक नेत्यांची गोविंदबागेत खलबते रंगल्याने पश्चिम महाराष्ट्रातील राजकीय समीकरणे बदलतील, अशी चर्चा सुरू झाली आहे. येत्या काही दिवसांत पश्चिम महाराष्ट्रातील अनेक नेते पवार यांच्या राष्ट्रवादी काँग्रेसमध्ये प्रवेश करतील, असा दावाही राष्ट्रवादी काँग्रेस शरदचंद्र पवार पक्षामधील सूत्रांकडून करण्यात आला.