पावसामुळे झालेल्या नुकसानीचे पंचनामे करावेत; खासदार डॉ. अमोल कोल्हे यांची मागणी

शिरूर तालुक्यातील पिंपरखेड येथे २८ जुलैला पहाटे साडेतीन वाजता ढगफुटीसदृश पाऊस पडला. त्यामुळे गावातील ओढ्यांना पूर आला. दाभाडे मळा, भागडी रस्ता, पारगाव रस्ता, मधलामळा, आंबेवाडी येथील शेतातील बांध फुटून शेतीचे व कांद्यांच्या चाळींचे मोठ्या प्रमाणात नुकसान झाले आहे. आंबेगावातील लोणी-धामणी, शिरदाळे येथे अशीच परिस्थिती आहे. येथील बटाटा, वाटाणा, सोयाबीन, बाजरीचे बरेच नुकसान झाले आहे. या नुकसानीचे महसूल व कृषी विभागाकडून लवकर पंचनामे करावेत व संबंधित शेतकऱ्यांना तातडीने शासनाकडून मदत मिळावी. त्यादृष्टीने जिल्हाधिकाऱ्यांनी वैयक्तिक लक्ष घालावे, अशी मागणी खासदार कोल्हे यांनी या पत्रात केली आहे.