पुणे : परदेशी शिक्षण शिष्यवृत्तीसाठी ५ जुलैपर्यंत मुदतवाढ

योजनेसाठी पात्र विद्यार्थ्यांना विमान प्रवास भाडे, परदेशातील शैक्षणिक संस्थेची शिक्षण शुल्क, निर्वाह भत्ता, आकस्मिक खर्च दिला जाईल. पदव्युत्तर अभ्यासक्रमासाठी ३५ वर्षे, पीएच.डी.साठी ४० वर्षे कमाल वयोमर्यादा आहे. भारतीय आयुविज्ञान परिषदेच्या संकेतस्तळावरील एमडी, एमएस अभ्यासक्रमच प्रवेशासाठी पात्र असतील.२०२३-२४ या शैक्षणिक वर्षात प्रवेश घेतलेल्या विद्यार्थ्यांकडून परदेश शिष्यवृत्तीसाठी अर्जांसाठी २० जून ही अंतिम मुदत होती.

हेही वाचा >>> कोकण, मध्य महाराष्ट्रात उद्यापासून पाऊस; हवामान विभागाचा अंदाज

मात्र अर्जांसाठी मुदतवाढ देण्याच्या मागणीनुसार मुदतवाढ देण्याचा निर्णय घेण्यात आला. http://www.maharashtra.gov.in या अधिकृत संकेतस्थळावरील रोजगार या दुव्यावरून अर्ज डाऊनलोड करून तो ५ जुलैपर्यंत आवश्यक कागदपत्रांसह  समाज कल्याण आयुक्तालय ३, चर्च पथ, महाराष्ट्र राज्य, पुणे- ४११००१ या पत्त्यावर सादर करणे आवश्यक आहे.