पुणे: अक्षय्य तृतीयेला आंब्यांच्या मागणीत मोठी वाढ होत असते. मात्र, यंदा अक्षय्य तृतीयेसाठी बाजारात आंब्याचा मोठ्या प्रमाणावर तुटवडा जाणावत असून बाजारात हापूसची आवक कमी प्रमाणावर होत आहे.अक्षय्य तृतीयेला पूर्वजांना आंब्यांचा नैवेद्य अर्पण केला जातो. गुढीपाडव्यानंतर अक्षय्य तृतीयेला आंब्यांच्या मागणीत मोठी वाढ होते. ग्राहकांकडून तयार आंब्यांना मागणी असते. गेल्या काही महिन्यांपासून हवामानात सातत्याने चढउतार होत असल्याने आंब्यांच्या लागवडीवर परिणाम झाला आहे. अक्षय्य तृतीयेच्या पार्श्वभूमीवर बाजारात आंब्यांची आवक कमी प्रमाणावर होत आहे. दरवर्षी पुण्यातील श्री छत्रपती शिवाजी मार्केट यार्डमध्ये कोकणातून आठ ते दहा हजार हापूस आंब्यांच्या पेट्यांची आवक अक्षय्य तृतीयेसाठी होत असते. यंदा आंब्यांची आवक दररोज एक हजार पेटीपर्यंत होत असून किरकोळ बाजारात एक डझन आंब्यांचे दरही चढेच आहेत, अशी माहिती मार्केट यार्डातील आंबे व्यापारी, श्री छत्रपती शिवाजी मार्केट यार्ड अडते संघटनेचे सचिव करण जाधव यांनी दिली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
