पुणे : विमानतळावरील ‘डिजियात्रा’ची असून अडचण नसून खोळंबा !

पुणे विमानतळावर ३१ मार्चला डिजियात्रा सुविधा सुरू झाली. आता पहिल्याच आठवड्यात डिजियात्रा सुविधा बंद असल्याच्या तक्रारी अनेक प्रवाशांनी केल्या आहेत. ट्विटरसह समाजमाध्यमांवरही प्रवाशांनी याबाबत भारतीय हवाई वाहतूक प्राधिकरण आणि पुणे विमानतळ प्रशासनाला जाब विचारला आहे. पीयूष चोप्रा या प्रवाशाने डिजियात्रा सुविधा शुक्रवारी बंद असल्याची तक्रार केली आहे. ही सुविधा बंद असल्यामुळे विलंब लागून विमान चुकण्याची वेळ आली होती, असेही या प्रवाशाने म्हटले आहे.

आणखी वाचा

‘नो राईट टर्न’: वाहतुकीच्या नव्या प्रयोगावर नागपुरकरांची प्रतिक्रिया, हा तर ‘नाकापेक्षा मोती जड’!

24 October Horoscope : गुरुपुष्यामृत योग कोणत्या राशींसाठी…

धोकादायक! नागपूर विमानतळाला ६३ उंच इमारतींचा विळखा…

मुंबई विमानतळावरून आता उड्डाण शक्य…, का बंद होती विमान वाहतूक वाचा…

छेडानगर जंक्शन अखेर वाहतूक कोंडीमुक्त

नवी मुंबई : वाशी खडीवरील तिसऱ्या पुलावरून आजपासू वाहतूक सुरू, टोलमुक्तीमुळे सततची वाहतूक कोंडी फुटली

तीन विमानांमध्ये बॉम्ब असल्याचे दूरध्वनी; दोन विमाने मुंबईत थांबवली, एक दिल्लीला वळवले

तांत्रिक बिघाडामुळे विमानाच्या हवेतच दोन तास घिरट्या; १४० प्रवासी करत होते प्रवास; अखेर झालं सुरक्षित लँडिंग!

हेही वाचा >>> पुणे : आयपीएल सामन्यांवर सट्टा घेणारा बुकी जाळ्यात; गुन्हे शाखा युनिट तीनची कारवाई

विमानतळाच्या प्रवेशद्वारावरील डिजियात्रा सुविधा बंद असल्याची तक्रार चिन्मय अरुण गोयल या प्रवाशाने केली आहे. विमानतळावरील सुविधा बंद असली, तरी डिजियात्रा ॲप्लिकेशनवर ही सुविधा सुरू असल्याचे दिसत असून, त्यात बदल करावा, अशी मागणी या प्रवाशाने केली आहे.

दरम्यान, पुणे विमानतळाचे संचालक संतोष ढोके यांच्याशी संपर्क साधला असता, त्यांनी डिजियात्रा सुविधा सुरू असल्याचा दावा केला.

डिजियात्राचा वापर सुरू झाला तरी सध्याची विमानतळात प्रवेश करणे आणि सुरक्षा तपासणीची व्यवस्था कायम आहे. प्रवाशांना डिजियात्रा अथवा सध्या सुरू असलेल्या पद्धतीपैकी एकाची निवड करावी लागते. जास्तीत जास्त प्रवाशांनी डिजियात्राचा वापर करावा, असा विमानतळ प्रशासनाचा प्रयत्न आहे. आधी देशातील तीन विमानतळांवर डिजियात्रा सुविधेचा वापर होत होता. दिल्ली, बंगळुरू आणि वाराणसी विमानतळावर ही सुविधा मागील वर्षी डिसेंबरपासून सुरू झाली. ही सुविधा असणारे पुणे हे चौथे विमानतळ ठरले. याच वेळी कोलकता आणि विजयवाडा या विमानतळांवरही ही सुविधा उपलब्ध करून देण्यात आली आहे.

डिजियात्राचा वापर कसा होतो?

प्रवाशांना मोबाइलवर डिजियात्रा ॲप्लिकेशन डाउनलोड करावे लागते. प्रवासी त्याचे ओळखपत्र आणि प्रवासाशी निगडित कागदपत्रे त्यात ठेवू शकतो. विमानतळावर पोहोचल्यानंतर फेशिअल रेकग्नेशन तंत्राद्वारे प्रवाशाची ओळख पटवली जाते. त्याच वेळी प्रवाशाच्या ओळखपत्रांचीही तपासणी होते. त्यामुळे प्रवाशांचा प्रतीक्षा कालावधी कमी होऊन विमानापर्यंत पोहोचण्याचा वेळही कमी होतो.