रुपी बँकेचे संचालक मंडळ अखेर बरखास्त

कर्जवसुलीच्या मुद्दय़ावर रिझव्र्ह बँकेने घातलेले र्निबध कायम असतानाच रुपी को-ऑप. बँकेचे संचालक मंडळ अखेर मंगळवारी बरखास्त करण्यात आले. साखर आयुक्तालयातील सहसंचालक (अर्थ) संजय भोसले आणि महाराष्ट्र सहकारी बँक्स फेडरेशनचे अध्यक्ष विद्याधर अनास्कर या दोन सदस्यांचा समावेश असलेले प्रशासक मंडळ यापुढे बँकेचा कारभार पाहणार आहे.
रिझव्र्ह बँकेचे कार्यकारी अधिकारी कुरुप्प स्वामी हे एका कार्यक्रमासाठी मंगळवारी पुण्यात आले होते. त्यावेळी कुरुप्प स्वामी यांनी संजय भोसले आणि विद्याधर अनास्कर या दोन प्रशासक मंडळाच्या नावांची घोषणा केली. संजय भोसले हे या प्रशासक मंडळाचे अध्यक्ष असून विद्याधर अनास्कर सदस्य म्हणून काम पाहणार असल्याचे त्यांनी सांगितले. याप्रसंगी संचालक मंडळाने कुरुप्प स्वामी यांची भेट घेऊन या आर्थिक र्निबधातून निवृत्तिवेतनावर अवलंबून असलेले ज्येष्ठ नागरिक, आजारी व्यक्ती आणि विद्यार्थी खातेदारांना सूट द्यावी, अशी मागणी केली.
कर्जवसुलीमध्ये आलेले अपयश आणि संचालक मंडळातील वाद यामुळे रिझव्र्ह बँकेने रुपी बँकेवर तीन दिवसांपूर्वी (२३ फेब्रुवारी) आर्थिक र्निबध घातले. या र्निबधांनुसार खातेदारांना सहा महिन्यांतून एकदाच बँकेतून एक हजार रुपये काढता येणार आहेत. तर, ठेवीदारांना त्यांच्या ठेवी काढून घेता येणार नाहीत. त्यामुळे खातेदार आणि ठेवीदार यांच्यापुढे संकट निर्माण झाले. संचालक मंडळातील सहा संचालकांनी दिलेले राजीनामे परत घेऊन मंडळामध्ये एकजूट दाखविण्याचा प्रयत्न झाला. पण, अखेर संचालक मंडळाच्या बरखास्तीने या नाटय़ावर पडदा पडला आहे.

आणखी वाचा

मुंबई: महापालिकेतील उपायुक्तांची पुन्हा खांदेपालट, राज्य सरकारकडून प्रतिनियुक्तीवर आलेल्या अधिकाऱ्याकडे प्रथमच शिक्षण विभागाची जबाबदारी

‘मुख्यमंत्री वयोश्री योजने’साठी पात्रता काय? अर्ज करण्यासाठी कोणती…

राज्यावर कर्मचारी संपामुळे वीज संकट… महावितरणकडून आलेले चर्चेचे निमंत्रण…

सिद्धेश कदम यांच्या मर्सिडीज भेटीचे गौडबंगाल! महाराष्ट्र प्रदूषण मंडळाच्या दाव्यात विसंगती; वरिष्ठ अधिकाऱ्यांचे मौन

सांगली जिल्हा परिषदेतील पर्यवेक्षक, कनिष्ठ सहायक लेखाधिकारी निलंबित

‘ईवाय’मधील ‘सीए’ तरुणीच्या मृत्यूप्रकरणी केंद्रीय कामगार राज्यमंत्र्यांची मोठी घोषणा

बारामतीत शासकीय कार्यक्रमात अजित पवारांंचा खासगी सचिव व्यासपीठावर?; राजशिष्टाचारात बदल केले का? सुप्रिया सुळेंचा सवाल

पशुसंवर्धनची जमीन एमआयडीसीला देण्यास विरोध केल्यामुळे कौस्तुभ दिवेगावकर यांची बदली ?