पुणे: कुरुलकरच्या मोबाइलबाबत ‘एटीएस’ने दिलेल्या माहितीत विसंगती?

पुणे: पाकिस्तानी गुप्तचर यंत्रणेला माहिती दिल्याप्रकरणी अटकेत असलेला डीआरडीओचा संचालक प्रदीप कुरुलकरकडून जप्त करण्यात आलेल्या मोबाइल संचाबाबत राज्य दहशतवादविरोधी पथकाने (एटीएस) दिलेल्या माहितीत विसंगती आहे, असा युक्तिवाद बचाव पक्षाकडून बुधवारी न्यायालयात करण्यात आला. कुरुलकर याच्या आवाज चाचणीवर (व्हॉइस लेअर सायकोलॉजिकल ॲनालिसिस टेस्ट) आणि जामीन अर्जावर १८ ऑगस्ट रोजी सुनावणी होणार आहे.

आणखी वाचा

कायदा व सुव्यवस्था राखण्याचे सोडून नागपुरातील ठाणेदार विकतायेत तिकीट…. प्रत्येकाला तीनशे…

…तर औषधाची गरजच नाही! वाचा निरोगी आयुष्य जगण्यासाठी…

खासगी प्रवासी वाहतूक करणाऱ्या कंपन्यांना एकाच नियमावलीअंतर्गत आणणार, परिवहन मंत्री

पिंपरी-चिंचवड: पादचारी भुयारी मार्ग असुरक्षित; सुरक्षारक्षक नेमण्याची मागणी

पिंपरी : लाच प्रकरणातील मीटर निरीक्षक निलंबित

विश्लेषण : वाहतूक नियम मोडणारे दाखवा नि बक्षीस मिळवा… व्हिएतनाममधील अनोख्या उपायाची भारतातही नेटकऱ्यांमध्ये काय चर्चा?

पोलिसांना लवकरच थकबाकी; ‘आयपीएल’ सुरक्षा शुल्क कपात प्रकरणी ‘बीसीसीआय’चे आश्वासन

विठ्ठल-रुक्मिणी मंदिर समितीला मनुष्यबळ पुरवठा करणारा ठेका रद्द; तक्रारींनंतर मंदिर समितीकडून कारवाई

कुरुलकरच्या आवाजाच्या चाचणीस परवानगी मिळावी, असा अर्ज एटीएसकडून विशेष न्यायालयात नुकताच दाखल करण्यात आला. या प्रकरणाचा तपास सुरू आहे. कुरुलकरच्या मोबाइल विदाचे (डेटा) विश्लेषण करायचे आहे. एक मोबाइल संच गुजरातमधील विशेष न्यायवैद्यक प्रयोगशाळेत तांत्रिक विश्लेषणासाठी पाठविण्यात येणार आहे. कुरुलकरकडे आणखी एक मोबाइल संच असून, त्या मोबाइल संचाची दुरुस्ती करावी लागणार आहे. कुरुलकर तपासात सहकार्य करत नसल्याचे सुनावणीदरम्यान विशेष सरकारी वकील विजय फरगडे यांनी न्यायालयात सांगितले होते. ‘एटीएस’ने दाखल केलेल्या अर्जावर बचाव पक्षाचे वकील ॲड. हृषीकेश गानू यांनी बुधवारी (९ ऑगस्ट) युक्तिवाद केला.

आणखी वाचा-पुणे: प्रवाशांसाठी खूषखबर! मेट्रो स्थानकातून थेट घरापर्यंत आता रिक्षा

कुरुलकरकडून जप्त केलेल्या मोबाइलबाबत दहशतवादविरोधी पथकाकडून (एटीएस) न्यायालयात देण्यात आलेल्या माहितीत विसंगती आहे. त्यामुळे जप्त करण्यात आलेला मोबाइल संच हा कुरुलकर याचा आहे की नाही, याची ओळख पटविणे आवश्यक आहे, असे बचाव पक्षाचे वकील ॲड. गानू यांनी युक्तिवादात नमूद केले.

या गुन्ह्यात दोषारोपपत्र दाखल झालेले आहे. तपास अधिकाऱ्यांनी यापूर्वीच कुरुलकरचा मोबाइल संच जप्त करून पंचनामा केला आहे. कुरुलकरच्या मोबाइलमधील विदा मिळवला आहे, असे एटीएसने स्पष्ट केले आहे. त्याचा उल्लेखही दोषारोपपत्रात आहे. मात्र, सरकारी वकिलांनी पुन्हा न्यायालयात अर्ज केला आहे. कुरुलकरच्या मोबाइल विदाचे विश्लेषण करण्यासाठी गुजरातमधील विशेष न्यायवैद्यक प्रयोगशाळेत पाठवायचा आहे, असे अर्जात म्हटले आहे. एटीएसने दिलेल्या माहितीत विसंगती आहे, असे ॲड. गानू यांनी युक्तिवादात सांगितले.

आणखी वाचा-सरकारी घोळात घोळ! पुण्याला नवा आरटीओ मिळेना

कुरुलकरने ॲड. गानू यांच्यामार्फत जामिनासाठी अर्ज दाखल केला आहे. जामीन अर्जावर विशेष न्यायाधीश एस. व्ही. कचरे न्यायालयात सुनावणी सुरू असून, पुढील सुनावणी १८ ऑगस्ट रोजी होणार आहे.